ەلىمىزدە العاش رەت مۇزدا جۇگىرۋدەن حالىقارالىق جارىس وتەدى

19 اقپاندا ەلىمىزدە العاش رەت «بۋراباي» ۇلتتىق ساياباعىندا قازاقستان رەسپۋبليكاسى پرەزيدەنتىنىڭ ءىس باسقارماسىنا قاراستى «بۋراباي-دامۋ» جشس، «ەكسترەمالدى اتلەتيكا» قوعامدىق بىرلەستىگى مەن «Rebel Running» جك-نىڭ ۇيىمداستىرۋىمەن مۇزدا جۇگىرۋدەن «BURABAY ICE 2023» حالىقارالىق جارىس وتەدى.

«بۋراباي-دامۋ» جشس باس ديرەكتورىنىڭ ورىنباسارى قاسىمجان كەنجەشوۆتىڭ ايتۋىنشا، جارىستىڭ ماقساتى – بۋرابايدىڭ اسەم تابيعاتىن جۇرتشىلىققا ناسيحاتتاي وتىرىپ، تۋريستەردىڭ قىزىعۋشىلىعىن ارتتىرۋ، سونداي-اق سالاماتتى ءومىر سالتىن ناسيحاتتاۋ.

جارىس بىرنەشە قاشىقتىقتا، ياعني 7 كم، 14 كم جəنە 21،1 كم جۇگىرۋ نەمەسە 7 كم سكانديناۆيالىق ءجۇرىس بويىنشا وتەدى. وعان كەز كەلگەن جاستاعى سپورتشىلار مەن جاستار قاتىسا الادى. بۇگىنگە دەيىن 200-دەن استام سپورتشى تىركەلدى. ولاردىڭ اراسىندا اقش، كانادا، افريكا، ەۋروپا ەلدەرىنىڭ، وزبەكستان، قىرعىزستان، موڭعوليا سپورتشىلارى مەن ەلىمىزدىڭ بارلىق وبلىستارىنىڭ سپورتشىلارى بار. تىركەۋ ءالى جالعاسىپ جاتىر.

جارىس 19 اقپان كۇنى ساعات 10.00-دە بۋراباي كولىندەگى قايىق ستانتسياسىندا باستالادى. مارەگە جەتكەن سپورتشىلاردىڭ ءبارى جۇلدەسىز قالماي، ماراپاتتالادى.

داستان كەنجالين،

استانا