فيفا ءۇش جىلداعى رەكوردتىق تابىسىن جاريالادى

حالىقارالىق فۋتبول فەدەراتسياسىنىڭ (فيفا) كەڭەسى بىلتىرعى جىلعى جىلدىق تابىس ەسەبىن جاريالادى.

قۇجاتتا فيفا-نىڭ 2019-2022 جىلدارداعى تابىسى 7،6 ملرد اقش دوللارى بولعانى اتاپ كورسەتىلگەن. بۇل – ۇيىمنىڭ بۇرىن-سوڭدى بولماعان رەكوردتىق كىرىسى.

فيفا-نىڭ فۋتبولعا بۇرىن-سوڭدى بولماعان ينۆەستيتسياسى — بۇل ءبىزدىڭ كۇشتى قارجىلىق اشىقتىعىمىزدىڭ ناتيجەسى. سونداي-اق، فۋتبولدى الەمدەگى نومەرى ءبىرىنشى سپورت ەكەنىن كورسەتۋدىڭ ناقتى مىسالى. كوروناۆيرۋستىڭ كەسىرىنەن كوپتەگەن قيىندىقتىڭ بولعانى راس. سول قيىندىقتىڭ ءبارىن  كاتاردا وتكەن الەم چەمپيوناتى جۋىپ-شايىپ كەتتى، — دەدى فيفا پرەزيدەنتى دجانني ينفانتينو.

ەندى حالىقارالىق فۋتبول فەدەراتسياسى سايتىندا جاريالاعان مالىمەتكە قاراعاندا، ۇيىم 2023-2026 جىلدار ارالىعىندا 11 ملرد اقش دوللارى تابۋدى جوسپارلاپ وتىر.

داستان كەنجالين،

استانا