HOK Reseı men Belarýs sportshylaryn Olımpıadaǵa jibermeýge sheshim qabyldady

Halyqaralyq Olımpııalyq komıtet (HOK) túpkilikti sheshim qabyldady: Reseı men Belarýs sportshylaryna buryn berilgen dıskvalıfıkaııanyń kúshi saqtalyp qaldy.

Halyqaralyq Olımpııalyq komıtet kóp talas-tartys pen sóz saıysynan keıin reseılikter úshin de, belorýstar úshin de dıskvalıfıkaııany burynǵy kúshinde saqtap qalýǵa uıǵarym jasady.

Halyqaralyq Olımpııalyq komıtet Ýkraınaǵa qarsy jarııalanbaǵan soǵysqa qatysýshy agressor-memleketterdiń ókilderi – reseılik jáne belorýs sportshylarynan dıskvalıfıkaııany almaý jóninde sheshim qabyldady, – delingen HOK-tyń resmı saıtynda.

Qujatta RF men BR atletterine atalmysh sankııanyń tap osy eki el basshylyǵynyń Ýkraınaǵa qarsy soǵys qımyldaryn júrgizip jatqany úshin salynyp otyrǵany atap kórsetilgen.

Budan basqa, HOK Reseı Federaııasynyń agressııasy saldarynan zardap shegip júrgen ýkraın atletterine kómek kórsetý jalǵastyryla beretinin málimdedi.

Olımpıadaǵa boıkot jarııalaý jónindegi bastamany alǵash Polsha bastady. Onyń 16 aqpan kúni málim bolǵan bul ýltımatýmyn Lıtva, Latvııa, Estonııa, Chehııa men Slovakııa qoldap áketti.

Budan keıin Halyqaralyq Olımpııalyq komıtetten RF men Belarýs sportshylaryn beıbitshilikti nasıhattaıtyn olımpııalyq qozǵalys qataryna qospaýdy 40-qa jýyq el talap etip, bul ýltımatým esepke alynbaǵan jaǵdaıda ózderiniń Parıj Olımpıadasyna qatysýdan bas tartatyndaryn málimdep, hat joldady. Qujatqa qol qoıǵandar qatarynda Avstrııa, AQSh, Belgııa, Germanııa, Grekııa, Danııa, Jańa Zelandııa, Japonııa, Irlandııa, Islandııa, Kıpr, Koreıa, Latvııa, Lıtva, Lıhtenshteın, Lıýksembýrg, Nıderland, Norvegııa, Rýmynııa, Slovakııa, Slovenııa, Ulybrıtanııa, Fınlıandııa, Horvatııa, Chehııa, Shveııa men Estonııa boldy.

Bul degenińiz – Olımpııalyq qozǵalysty qulatýmen birdeı edi. Osydan qoryqqan Tomas Bah bastaǵan «jylyjúrekter» HOK-tyń buryn qabyldanǵan sheshimin kúshinde qaldyrý jóninde uıǵarym jasady, – dep jazdy Politico.

Buǵan deıin Halyqaralyq Olımpııalyq komıtet, onyń prezıdenti Tomas Bah reseılikter men belorýstardy Olımpıadaǵa qaıta oraltýǵa qarsy emes ekenderin birneshe ret málimdegen bolatyn. Sonda olardyń alǵa tartatyn ýáji – atalǵan elder sportshylarynyń óz elderi jalaýlarynsyz jáne ánurandarynsyz beıtarap atletter qatarynda qatysýlaryna múmkindik jasalady delingen. Buǵan adamzattyń aqyl-parasatty joǵalta qoımaǵan aıtýly ókilderi birden údere qarsy kóterildi. Olar HOK-pen arada áldeneshe ret qarama-qaıshy pikirtalasqa baryp, óz ustanymdaryn nyǵyzdaı tústi.

Munyń sońy álemniń sport derjavalarynyń birqatarynyń 2024 jyly Parıjde ótkeli turǵan Olımpııalyq oıyndarǵa boıkot jarııalaýlaryna aparyp soqtyra jazdady.

Dastan KENJALIN,

ASTANA