ماڭعىستاۋلىق جاس بالۋان ەل چەمپيوناتىندا ءۇشىنشى ورىن الدى

جەتىسۋ وبلىسى تالدىقورعان قالاسىنداعى «جاستار» سپورت كەشەنىندە ەركىن كۇرەستەن 15 جاسقا دەيىنگى (U-15) جاسوسپىرىمدەر اراسىندا وتكەن قازاقستان چەمپيوناتىندا ساعىنباي مۇحامبەتالي 41 كگ سالماقتا سىنعا ءتۇسىپ، قولا جۇلدەگە يە بولدى.

ول بوز كىلەمگە بەس رەت شىعىپ، تۇركىستان وبلىسى، الماتى وبلىسى، جەتىسۋ وبلىسىنىڭ پالۋاندارىن ايقىن باسىمدىقپەن جەڭىپ، جارتىلاي فينالدا الماتىنىڭ بالۋانى دامير قاليدەن جەڭىلىپ، ءۇشىنشى ورىن ءۇشىن بەلدەسۋدە باتىس قازاقستان وبلىسىنىڭ وكىلىن جىقتى.

مۇحامبەتالي بەيسەنباي ۇلى 2009 جىلى 20 شىلدە كۇنى ماڭعىستاۋ وبلىسى مۇنايلى اۋدانىندا تۋعان. ەركىن كۇرەستەن سپورت شەبەرلىگىنەن ۇمىتكەر. العاشقى جاتتىقتىرۋشىسى — ەلامان كۋربانكۋلوۆ. مۇحامبەتالي الماتىداعى «شاڭىراق» رەسپۋبليكالىق مامانداندىرىلعان مەكتەپ-ينتەرنات-كولەدجىنىڭ 8 سىنىبىندا وقيدى.

ايەلدەر كۇرەسىنەن (U15) ەل چەمپيوناتىندا جۇلدەگەر اتانعان شىناراي ورىنعالي (33 كگ) مەن اسىلاي داۋلەت (39 كگ) ەكىنشى ورىن، ەلميرا سىزدىقوۆا (53 كگ)، اناستاسيا ۆوروبەۆا (54 كگ) مەن ميا ميكايلوۆا (58 كگ)  ۇشىنشى ورىن العان ەدى.

ايبەك مۇحانوۆ،

ماڭعىستاۋ وبلىسى