Dzıýdo: qazaq palýandary júlde alyp jatyr

Horvatııanyń Zagreb qalasynda dzıýdodan jastar arasyndaǵy álem chempıonaty bastaldy. Oǵan  83 elden 500-den astam palýan qatysyp jatyr.

Búgin, dúbirli dodanyń alǵashqy kúni qazaqstandyq sportshylar da tatamıge shyqty. Solardyń arasynda 44 kılo salmaqta Ábıba Ábýjaqynova degen qyzymyz kúresip, álem chempıonatynyń kúmis júldegeri atandy. Taǵy bir Eýropaǵa el úmitin arqalap barǵan palýanymyz Baýyrjan Narbaev 55 kg salmaqta qola medaldi jeńip aldy.

Bul synda bizdiń elden 10 jigit, 10 qyz kúresip jatyr. Kúres, sport bolǵan soń, jeńis pen jeńilis qatar júredi degendeı keıbiri chempıonattyń birinshi kúni jarys jolynan shyǵyp qaldy. Endi bizdiń qalǵan palýandarymyz solardyń esesin qaıtaryp, júldeli oryndardan kórinip, kók baıraǵymyzdy bıikke kóteredi dep senemiz.

Dastan KENJALIN