قازاقستان جاسوسپىرىمدەرى ىرىكتەۋ كەزەڭىنىڭ جارتىلاي فينالىنا شىقتى

مالايزيانىڭ كۋچينگ قالاسىندا 14 جاسقا دەيىنگى تەننيسشىلەر اراسىندا ءوتىپ جاتقان كوماندالىق الەم چەمپيوناتى ازيا – تىنىق مۇحيت ايماعى بويىنشا ىرىكتەۋ كەزەڭىنىڭ جارتىلاي فيناليستەرى انىقتالدى.

ءمادينا راحىمنىڭ شاكىرتتەرى شيرەك فينالدا ىرىكتەۋ ءتۋرنيرىنىڭ ەكىنشى راكەتكاسى — ءۇندىستان كومانداسىن ۇتتى.

الدىمەن ەۆا كورىشەۆا قارسىلاسىن 6:1، 6:1 ەسەبىمەن جەڭدى. سودان كەيىن ەركەجان جاڭاتاەۆا دا باسەكەلەسىن 6:4، 6:7، 6:2 ەسەبىمەن ۇتتى.

قازاقستان جاسوسپىرىمدەر قۇراماسى 24 ناۋرىز كۇنى جارتىلاي فينالدا جاپونيامەن وينايدى. جاپوندار شيرەك فينالدا تايلاند كومانداسىنان باسىم ءتۇستى.

بيىل ازيا – تىنىق مۇحيت ايماعىنان كوماندالىق الەم چەمپيوناتىنىڭ فينالدىق ساتىسىنا ءۇش جولداما بەرىلەدى. فينالدىق كەزەڭ جازدا چەحيانىڭ پروستەەۆ قالاسىندا وتەدى.

داستان كەنجالين،

استانا