Qazaqstan jasóspirimderi irikteý kezeńiniń jartylaı fınalyna shyqty

Malaızııanyń Kýchıng qalasynda 14 jasqa deıingi tennısshiler arasynda ótip jatqan komandalyq álem chempıonaty Azııa – Tynyq muhıt aımaǵy boıynsha irikteý kezeńiniń jartylaı fınalısteri anyqtaldy.

Mádına Rahymnyń shákirtteri shırek fınalda irikteý týrnıriniń ekinshi raketkasy — Úndistan komandasyn utty.

Aldymen Eva Korysheva qarsylasyn 6:1, 6:1 esebimen jeńdi. Sodan keıin Erkejan Jańataeva da básekelesin 6:4, 6:7, 6:2 esebimen utty.

Qazaqstan jasóspirimder quramasy 24 naýryz kúni jartylaı fınalda Japonııamen oınaıdy. Japondar shırek fınalda Taıland komandasynan basym tústi.

Bıyl Azııa – Tynyq muhıt aımaǵynan komandalyq álem chempıonatynyń fınaldyq satysyna úsh joldama beriledi. Fınaldyq kezeń jazda Chehııanyń Prosteev qalasynda ótedi.

Dastan KENJALIN,

ASTANA