SportPress.kz قازاقستان سپورت جاڭالىقتارى
-3يءا، قازاق فۋتبولدى قالاي وينايتىنىن بۇگىن اتويلاپ تۇرىپ كورسەتتى. ەۋروپانىڭ الپاۋىتتارىنىڭ ءبىرى دانيا قاقپاسىنا ءۇش بىردەي گول سالىپ جەڭىستى ج ۇلىپ الىپ كەتۋ، تەك قازاق جىگىتتەرىنىڭ قولىنان كەلەتىندىگىن قاراكوز ساڭلاقتارىمىز جارقىن كورسەتە ءبىلدى.
باقتيار، اسحات، ابات سەكىلدى قازاق جىگىتتەرىنىڭ گولدارى ەلدىڭ ەستەرىنەن كوپكە دەيىن كەتپەيتىن شىعار. تەك ءبىر وكىنەتىن ءجايدى تاعى ايتپاسا بولماس. Qazsport ارناسى جەڭىستەن كەيىنگى سۇحباتتاردىڭ ءبارىن نەگە ورىسشا العاندارىنا قاتتى نالىدىم. قازاق سپورتى دەگەن دارداي اتى بار جالعىز قازاق سپورتى ارناسى ەمەس پە؟! قازاق تىلىندە سۇحبات السا بەدەلى ءتۇسىپ، ءبىر جەرى كەمىپ قالا ما ەكەن؟! مىسالى، اسحاتتان، اباتتان، ابزالدان نەگە سۇحباتتى الماسقا؟!
جالپى، ۇلتتىق قۇرامادا الاڭعا شىعىپ، ەل نامىسىن قورعاعان قاراكوزدەرىمىزدىڭ بارلىعى دەرلىك انا تىلىمىزدە سۇراسا بارىنشا ايتىپ بەرەر ەدى عوي. ءسىرا تەلەارنا باسشىلىڭىنا ءبارىبىر بولعان سوڭ وسىلاي جانىمىز اۋىرىپ، نامىسىمىز تاپتالىپ قالا بەرەمىز. سول جانىمىزعا باتادى. قايران انا تىلىمە قۇرمەت قاشان ارتا تۇسەدى ەكەن؟ قاشان انا ءتىلىمنىڭ بەدەلى ءوسىپ، بارلىق سالادا ۇستەمدىگىن جاسايدى ەكەن؟ مىنە، سول مەن ءۇشىن، جەلتوقسان ارداگەرى ءۇشىن وتە ماڭىزدى. الەم ورىس حالقىنان شوشىپ، تەرىس اينالعاندا ءبىز ءالى سول ورىسقا قاراپ بال اشىپ، ورىستىڭ ءتىلىنسىز ءومىر جوقتاي بايلاۋلى يتتەي شىنجىردان شىعا الماي كەلەمىز. نەگە؟ ءيا، نەگە؟ قورقامىز با جوق الدە كۇشىك كەزدە تالانعاندىقتان قالعان ۇرەي مە؟ مىنە، وسى سۇراققا جاۋاپتى ىسىمىزبەن كورسەتىپ، ارامىزدىعى شالا ورىستاردىڭ نامىسى ويانىپ، تۋعان تىلگە قۇرمەتى كۇشەيىپ تاۋبەسىنە كەلگەندە عانا مۇمكىن زامان باسقاشا بولار.
اقىن ورداباي ۇلى،
الماتى
