Nege osyndaı tarıhı jeńiste Qazsport qazaq tilinde suhbat almaıdy?

-3Iá, qazaq fýtboldy qalaı oınaıtynyn búgin atoılap turyp kórsetti. Eýropanyń alpaýyttarynyń biri Danııa qaqpasyna úsh birdeı gol salyp jeńisti julyp alyp ketý, tek qazaq jigitteriniń qolynan keletindigin qarakóz sańlaqtarymyz jarqyn kórsete bildi.

Baqtııar, Ashat, Abat sekildi qazaq jigitteriniń goldary eldiń esterinen kópke deıin ketpeıtin shyǵar. Tek bir ókinetin jáıdy taǵy aıtpasa bolmas. Qazsport arnasy jeńisten keıingi suhbattardyń bárin nege oryssha alǵandaryna qatty nalydym. Qazaq sporty degen dardaı aty bar jalǵyz qazaq sporty arnasy emes pe?! Qazaq tilinde suhbat alsa bedeli túsip, bir jeri kemip qala ma eken?! Mysaly, Ashattan, Abattan, Abzaldan nege suhbatty almasqa?!

Jalpy, ulttyq quramada alańǵa shyǵyp, el namysyn qorǵaǵan qarakózderimizdiń barlyǵy derlik ana tilimizde surasa barynsha aıtyp berer edi ǵoı. Sirá telearna basshylyńyna báribir bolǵan soń osylaı janymyz aýyryp, namysymyz taptalyp qala beremiz. Sol janymyzǵa batady. Qaıran ana tilime qurmet qashan arta túsedi eken? Qashan ana tilimniń bedeli ósip, barlyq salada ústemdigin jasaıdy eken? Mine, sol men úshin, Jeltoqsan ardageri úshin óte mańyzdy. Álem orys halqynan shoshyp, teris aınalǵanda biz áli sol orysqa qarap bal ashyp, orystyń tilinsiz ómir joqtaı baılaýly ıtteı shynjyrdan shyǵa almaı kelemiz. Nege? Iá, nege? Qorqamyz ba joq álde kúshik kezde talanǵandyqtan qalǵan úreı me? Mine, osy suraqqa jaýapty isimizben kórsetip, aramyzdyǵy shala orystardyń namysy oıanyp, týǵan tilge qurmeti kúsheıip táýbesine kelgende ǵana múmkin zaman basqasha bolar.

Aqyn ORDABAIULY,

ALMATY