Azııa chempıonaty: Qazaqstan balýany altyn júlde aldy (FOTO)

Búgin Astana qalasynda ótip jatqan Azııa chempıonatynda grek-rım kúresinen barlyq salmaqtaǵy chempıondar men júldegerler belgili boldy, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.

Búgin kilemge shyqqan ulttyq quramanyń bes balýany keshki sessııada medal úshin talasty.

Onda grek-rım kúresinen ulttyq quramanyń qorjynyna jalǵyz altyn júldeni Ibragım Magomadov saldy. Ol fınalda Iran balýany Saıad Álı Imentalabfomanıdiń osal tusyn tapty.

Bıyl Qazaqstannyń VI jazǵy Spartakıadasynda top jarǵan Ibragım Magomedov shırek fınalda qyrǵyzstandyq Ádilhan Nurlanbekovti, sosyn Álı Muhamed Kadhımdi jeńdi. Byltyrǵy Azııa chempıonatynda bul salmaqta el namysyn Abylaıhan Ámzeev qorǵap, fınalda ırandyq balýanǵa jol bergen edi.

Fınalǵa qarsylasymdy jan-jaqty zerttep baryp shyqtym. Beldesýge saqadaı saı boldym. Jeńisimdi barlyq otandastaryma jáne otbasyma arnaımyn. Bıyl biz úshin jaýapty jarys kóp. О́z basym kúzde álem chempıonatynda kúreskim keledi. Osylaı altyn medal alyp, kók týymyzdy jelbiretýdi armandaýshy edim. Meniń qurmetime elimizdiń ánurany shyrqalǵanyn qatty qaladym. Búgin sol tilegenim oryndaldy, — dedi Ibragım Magomadovtyń ózi.

Grek-rım kúresinen 60 kg deıingi salmaqta synǵa túsetin Ernur Fıdahmetov Azııa chempıonatynyń qola medali úshin bolǵan beldesýde qytaılyq Lı Jý Chaoǵa ese jiberdi. Shyǵys Qazaqstan oblysynyń týmasy irikteýde taıbeılik Djýı Chı Hýandy jáne ırandyq Mehdı Seıfolla Mohsen Nedjadty utqan. Biraq jartylaı fınalda koreıalyq Handja Chýngtan utylyp qaldy.

Aıta keteıik, Ernur byltyr Mońǵolııada ótken qurlyq chempıonatynda qola júldeger atanǵan. Al 2021 jyly Almatyda ótken chempıonatta otandasymyz Aıdos Sultanǵalı osy salmaqta top jarǵan.

Tájirıbeli balýan Almat Kebispaev (67 kg) tájikstandyq Fırýs Mırzoradjabovty upaı sanymen utyp, óz salmaǵynda úshinshi orynnan kórindi. Bul Almattyń Azııa chempıonatyndaǵy altynshy júldesi (2 altyn, 3 kúmis, 1 qola).

Qazaqstandyq balýan irikteýde taıbeılik Hý Iýı Chendi, shırek fınalda úndistandyq Ashý Ashýdy utqan. Biraq jartylaı fınalda ózbekstandyq Abror Atabaevqa qaýqar tanyta almady.

Mońǵolııadaǵy byltyrǵy sary qurlyq básekesinde bul salmaqta Meıirjan Shermahambet jeńimpaz atanǵan.

Búgin jankúıerler menen altyn medaldi kútkenin bilemin. Úsh dúrkin Azııa chempıony atanýǵa barymdy saldym. Biraq áli tolyq babyma kelmegenimdi baıqadym. О́zbekstandyq balýan, rasynda, menen myqty boldy. Kezdessek, ese qaıtarýǵa barymdy salamyn, — dedi Kebispaev.

Almat Kebispaev – grek-rım kúresinen eń oljaly qazaq balýanynyń biri. Ol eki dúrkin Azııa chempıony, taǵy úsh ret kúmis medal alǵan, álem chempıonynyń bes dúrkin júldegeri.

Fınalǵa shyqqan taǵy bir otandasymyz Dıas Qalen (82 kg) qyrǵyzstandyq Aqylbek Talantbekovten utylyp qaldy. Dıas byltyr da Mońǵolııadaǵy sary qurlyq dodasynyń fınalyna shyǵyp, ırandyq Rasýl Garmshırıge ese jibergen.

Básekeni shırek fınaldan bastaǵan otandasymyz ózbekstandyq Mýhammodkodır Rasýlovty, japonııalyq Iýıa Maetany senimdi jeńdi.

Grek-rım kúresinen 97 kg deıingi salmaqta óner kórsetetin Oljas Syrlybaı úndistandyq Narınder Chemany utyp, óz salmaǵynda úzdik úshtikti túıindedi. Oljas búgin shırek fınalda Islam Yntymaqtastyǵy oıyndarynyń eki dúrkin kúmis júldegeri qyrǵyzstandyq Ýzýr Júsipbekovten utylyp qaldy. Dese de jubanysh beldesýinde koreıalyq Seıeol Lıdiń aldyn orap ketti.

Grek-rım kúresinen jalpy esepte Iran quramasy top jardy. Olardyń enshisinde 5 altyn, 2 kúmis, 1 qola medal. Odan keıin 3 altyn, 1 kúmis, 3 qola júldemen Qyrǵyz Respýblıkasy tur.

Serik Jumashev jattyqtyratyn Qazaqstan quramasy 1 altyn, 2 kúmis jáne 5 qola medalmen úshinshi satyǵa shyqty.

Keshe Nursultan Tursynov (87 kg) fınalda Iran balýanyna ese jiberse, Amanǵalı Bekbolatov, Muhammedáli Mamyrbek pen asa aýyr salmaqtaǵy Álimhan Syzdyqov qola júlde ıelendi.

Byltyr Mońǵolııa astanasy — Ulan-Batyr qalasynda ótken sary qurlyq chempıonatynda qazaqstandyqtar grek-rım kúresinen 2 altyn, 5 kúmis, 2 qola medalmen jalpy esepte birinshi oryn alǵan.

Endi erteń jáne arygúni áıelder kúresi bolady. Jalpy, bes kúnge sozylatyn básekege qurlyqtaǵy 24 elden 400-den asa sportshy jınaldy. Onyń ishinde  Olımpıada, álem jáne Azııa chempıondary bar. Azııa chempıonatyn Qazsport telearnasy men Halyqaralyq kúres federaııasynyń saıtynan tikeleı efırde kóre alasyzdar.

 

Shamken BAIYRBEK,

Foto: Mádenıet jáne sport mınıstrliginiń Sportty damytý dırekııasy

ASTANA