Nılýfar RAIMOVA: «Alǵash ret eresekter arasynda úshinshi oryn alyp turmyn»

Nılýfar Raımova qyrǵyz ókili Bermet Nýrıdınqyzyn Azııa chempıonatynyń qola júlde úshin beldesýinde jeńip, júldege ıe boldy.

Qazaqstan áıelder quramasynda úshinshi qola medal alǵan Nılýfar Raımova jarystan keıin suhbat berdi.

— Alǵashqy beldesýimde taıpeılik Iý Cheng Hangpen kezdestim. Birinshi kezdesýim bolǵasyn qıyndaý boldy. Aýyr boldy. Ony 6:5 esebimen jeńdim. Birinshi kezdesý bárine qıyn bolady. Ekinshi qarsylasym ózbekstandyq Láıla Sabırovamen buryn kezdespegenmin. Onymen kúresip te kórgem joq. Qazir úshinshi orynǵa beldesýimde qyrǵyz sportshysy Bermet Nýrıdınqyzyn 7:0 esebimen taza jeńdim. Buryn qyrǵyz balýanymen kezdestim.

Nurken Ábdirov týrnırinde kezdesip, sol kezde 9:0 esebinde utyp turǵan kezimde týshege túsip qaldym. Sol jarysta jeńisti berip aldym. Endi, mine, ony Azııa chempıonatynda kezdesip jeńdim. Bul jeńisimdi Qazaq eline jáne otbasyma, jattyqtyrýshyma arnaımyn. Byltyr Mońǵolııada ótken Azııa chempıonatynda japon, mońǵol sportshylaryna ese jiberdim. Birinshi ret eresekter arasynda úshinshi oryn alyp turmyn. О́zime óte rızamyn. Aǵaıyma raqmet! Maǵan úmit artyp otyrǵan jandarǵa, barlyǵyna raqmet aıtamyn!

Jazyp alǵan — Aıbek MUHANOV,

ASTANA