Prezıdent Rybakınaǵa baǵaly syılyq berdi

Memleket basshysy Qasym-Jomart Toqaev tennısshi Elena Rybakınamen kezdesti.

Prezıdent Australian Open, Indıan-Ýells jáne Maıamı týrnırlerinde keremet óner kórsetken Elena Rybakınany quttyqtap, sheberligi men jeńiske degen erik-jigeri úshin rızashylyǵyn bildirdi.

Memleket basshysy Qazaqstan tennısshileriniń jetistigi óskeleń urpaq arasynda osy sport túriniń tanymaldylyǵyn arttyrýǵa septigin tıgizetinin atap ótti. Elena Rybakına jeńis tuǵyrynan kóringen sátterinde qoldaý bildirgeni jáne júrekjardy quttyqtaýlaryn joldaǵany úshin prezıdentke alǵys aıtty. Dańqty tennısshi aldaǵy ýaqytta da bedeldi halyqaralyq jarystarda sátti óner kórsetýge bar kúsh-jigerin jumsaıtynyn jetkizdi.

Memleket basshysy Qasym-Jomart Toqaev qazir elimizde 30 myńnan asa adam tennıspen aınalysatynyn aıtty.

Onyń 10 myńnan astamy – 10 jasqa deıingi balalar. Osy sport túrine buqaralyq sıpat berý maqsatynda elimizdiń 17 aımaǵynda tennıs korttary salyndy. Sondaı-aq Baby tennis, «10 jasqa deıingi tennıs» sekildi jobalar tabysty júzege asyrylyp jatyr, — dedi prezıdent.

14-15 sáýirde Astanada alǵash ret Bıllı Djın Kıng kýbogynyń irikteý matchy ótedi. Tennısten Qazaqstannyń áıelder quramasy Polsha komandasyna qarsy oınaıdy. Bul kezdesýdiń jeńimpazy álem chempıonatyna joldama alady.

Memleket basshysy halyqaralyq deńgeıdegi mundaı is-sharalardy uıymdastyrý elimizdegi tennıstiń damý deńgeıin arttyrýǵa tyń serpin beretinin aıtty. Sondaı-aq Parıjde ótetin jazǵy Olımpııalyqoıyndaryna lıenzııa utyp alǵan tennısshilerimizge sáttilik tiledi.

Kezdesýde prezıdent Rybakınaǵa saǵat pen oramal syılady. Al tennısshi memleket basshysyna Wimbledon-2022 kitabyn syıǵa tartty.

Kitaptyń alǵashqy betine tennısshi «Qasym-Jomart Kemeluly Toqaevqa Elena Rybakınadan. Astana. 13.04.2023» dep qalammen jazdy.

Wimbledon-2022 avtorlary – Paul Newman, Alix Ramsay.

Osydan keıin Elena Rybakına prezıdenttiń qabyldaýynan keıingi brıfıngide jankúıerlerin Bıllı Djın Kıng kýbogynyń irikteý matchyna shaqyrdy.

Búgin memleket basshysymen kezdesýde boldym. Árıne, tańerteń óte qobaljýly edim. Degenmen, jalpy bári de jaqsy ótti. О́zimniń aldaǵy josparlarymmen, týrnırler týraly aqparatpen bólistim. Erteń Qazaqstanda, osy astanada óner kórsetemiz. Barshańyzdy kórgenime qýanyshty bolamyn. Árıne, jaqsy óner kórsetip, jeńiske jetemin dep úmittenemin. Munan keıin de búkil komandamyzben birge jarqyn jeńisterimizben qýanta beremiz», — dedi Elena Rybakına

Odan ári álemniń jetinshi, Qazaqstannyń birinshi raketkasy Elena Rybakına Qazaqstan men Polsha komandalarynyń matchy aldyndaǵy jerebe tartý rásimine qatysty.

Dastan KENJALIN,

ASTANA