Tennısten Qazaqstan quramasy Polshamen matchta alǵa shyqty

Astanadaǵy Ulttyq tennıs ortalyǵynda tennısten Bıllı Djın Kıng kýbogynyń (komandalyq álem chempıonaty) irikteý kezeńi aıasynda Qazaqstan men Polsha arasyndaǵy match boldy.

Kortqa alǵashqy bolyp Qazaqstannan álemniń 45-raketkasy Iýlııa Pýtıneva men Polsha quramasynan dúnıejúzilik reıtıngte 19-orynda turǵan Magda Lınett shyqty.

Osyǵan deıin qarsylastar ózara jeti ret kezdesip, sonyń beseýinde Magda Lınett jeńiske jetken edi.

Birinshi partııada polıak sportshysy 4:0 esebimen alǵa shyqty. Sodan keıin ǵana Iýlııa Pýtıneva esepti qysqartty. Esep – 2:4. Magda Lınett esep 5:2 bolyp, setke dop bergende, óz múmkindigin paıdalana almady. Budan keıin Pýtıneva esepti 7:5-ke jetkizdi.

Pýtıneva qatarynan jeti geımdi jeńip, ekinshi setti de sátti bastady. Esep – 2:0. Sodan keıin ol taǵy bir breık jasap, esepti 4:1-ge jetkizgenmen, Lınett sol boıda esepti qaıta qysqartty. Degenmen Pýtıneva básekeni taǵy bir breıkpen túıindedi. Esep – 6:3. Osylaısha, Qazaqstan 1:0 esebimen alǵa shyqty.

Odan keıin Qazaqstannyń jekelegen syndaǵy birinshi, álemniń jetinshi raketkasy Elena Rybakına men reıtıngte 253-satyda turǵan Veronıka Falkovska kezdesti. Bul oıynda Rybakına qarsylasyn 6:3, 6:4 esebimen utty.

Qazaqstan eki oıynnyń nátıjesinde 2:0 esebimen alǵa shyqty.

Dastan KENJALIN,

ASTANA