«Arlandar» fýtbol klýby Portýgalııada jetistikke jetti (FOTO, VIDEO)

«Arlandar» fýtbol klýby óz qarjylyq esebinen Qazaqstan fýtbolyn damytýda óte kóp ınvestıııa saldy. Sonyń biri — Portýgalııa jobasy. Sebebi, fýtboldyń fýndamenti balalar fýtboly bolǵandyqtan, al balalar fýtbolynda álemdik úshtikke kiretin Portýgalııanyń fýtbol akademııalarynda Qazaqstan balalaryn daıyndaý kerek boldy.

Byltyr «Arlandar» fýtbol klýbyna talantty balalar jınaldy

2022 jyly «Arlandar» fýtbol klýby óz qarjylyq esebinen Qazaqstan boıynsha fýtboldan irikteýler jasap, talantty balalardy jınady. Astanada, Shymkentte oqý-jattyǵý jıyndaryn ótkizip, Portýgalııaǵa daıyndyqtaryn pysyqtady.

Qazaqstan boıynsha irikteýlerden ótip, klýbtyń ishki tártipteri men erejelerine sáıkes keledi degen 12 balany 1-9 sáýir aralyǵynda Portýgalııaǵa joldady. Alǵa eki maqsat qoıylǵan edi.

Onyń birinshisi, Portý aımaǵyndaǵy halyqaralyq «Bısports» fýtbol akademııasyna oqýǵa túsý úshin baıqaýlar men emtıhandaryna qatysý.

Ekinshisi, Portýgalııanyń Ponta-Delgada qalasynda ótetin XV halyqaralyq Azoresh týrnırine qatysý.

Komandamyz tógilgen mańdaı terdi jerge tastamaı, bes ret jeńiske jetti

Alǵa qoıylǵan eki maqsat ta tolyǵymen oryndaldy.

«Bısport» halyqaralyq akademııasynyń baıqaýlary men emtıhany kezinde jatatyn orny men tamaǵyn akademııanyń ózi tóledi. Iaǵnı, akademııanyń kampýsynda balalarymyz tegin jatty. Bul akademııa shyn máninde talantty balalar izdep jatqanyn, balalarǵa usynyp otyrǵan tegin qyzmetterinen baıqaýǵa bolady. Baıqaý ótkizý úshin óte kólemdi qarjy ketedi. Odan bólek, Pasha kanıkýly kezinde demalysta júrgen barlyq mamandardy shaqyrý, ol da bir másele. Soǵan qaramastan tikeleı translıaııa kezinde jýrnalısterdi tartyp, keminde 10 shaqty mamandar balalardy kórý úshin jumys basynda júrdi. Baıqaýdyń sońǵy qadamy retinde «Helloý kap» týrnırin uıymdastyrdy. Balalarymyz osyndaı aýqymdy , týrnırdiń kýbogyn utyp aldy. Bul baıqaýdyń kommerııalyq maqsatta emes ekenin osydan aq baıqaýǵa bolady.

Odan keıin Ponta-Delgada qalasynda ótken halyqaralyq jarysqa qatysty. Jalpy, bul jarystyń deńgeıin, álemdik masshtabtaǵy Italııanyń «Parma», Portýgalııanyń «Sportıng», Afrıka qurlyǵynan «Marakana», Latyn Amerıkadan «San Karlos» sekildi klýbtarynan qatysqan komandalarǵa qarap bilýge bolady. 10 elden myqty degen 24 komanda qatysty. Komandamyz jeti ret oınap, eki ret jeńilise de, bes ret jeńiske jetti. Nátıjesinde 24 komanda ishinen jetinshi oryn aldy.

Bul týrnırde balalarymyz teńdessiz tájirıbeler jınady. Alańǵa shyǵý tártibinen bastap, oıyn bitkennen keıingi tártipteri men erejelerin, sondaı aq álemdik deńgeıdegi joǵary fýtbol mádenıetin úırenip keldi.

Osy atalǵan baıqaýlar men týrnırler týraly aqparattar barynsha ashyq boldy. Ata-analary men týystary tikeleı efırden oıyndaryn kórdi. Matchtyń vıdeolary «Bısport» fýtbol akademııasy men XV halyqaralyq Azoresh týrnıriniń You tube kanaldary men Facebook paraqshalarynan qaıta kórýge bolady. Barlyq aqparattar ınternette saqtaýly. Barlyǵy ashyq, aıqyn ótti.

Balalardyń jetistigi baǵalansa degen tilek bar 

Qazaqstan fýtbolynyń aıanyshty jaǵdaıy týraly bilmeıtinder, balalarymyzdyń bul jetistigin baǵalamaıdy. Ol túsinikti. Sondyqtan qysqasha aqparat bereıin: Jalpy, Qazaqstannyń balalary eshqandaı standartqa saı daıyndalmaıdy. Daıyndalǵan emes. Ortaq metodıka joq. Qaı baǵytta damımyz, qalaı damımyz degen suraqtarǵa jaýap joq. Mysaly, Portýgalııada ár jastaǵy balalardyń fýtbol alańdarynyń ólshemine saı alańda oınaıdy. Balalar ósken saıyn alańy da ósip otyrady. Al bizde, tabylǵan alańǵa saı fýtbolshylarymyzdyń sanyn anyqtap daıyndaımyz. Ishki detaldaryn aıtpaı-aq, qarapaıym alań máselesin aıtaıyn. Mysaly, standartqa saı natýraldy gazonda ómirde oınamaǵan keshegi barǵan balalarymyz, alǵash ret Portýgalııada talapqa saı tabıǵı gazonda oınady. Kóbisi standartqa saı emes jasandy gazonda oınaǵan, tipti fýtzaldyń parketinen basqa zal kórmegen balalar da boldy. Al fýtzal degen tipti basqa sport túri. Osy sekildi tolyp jatqan problemalardy aıtar bolsaq, tom-tom kitap bolady. Sondyqtan, eshqandaı jaǵdaıy joq, standartqa saı eshqandaı fýtbol jattyǵýyn kórmegen balalardan úlken jetistik kútý durys emes. Sol úshin de 30 jyl boıy Qazaqstan álem sahnasyna bir fýtbolshy shyǵara almady. Sebebi, egilmegen eginnen jemis kútý — aqymaqtyq. Sol úshin de biz aldymyzǵa, Portýgalııada fýtbolshylar daıyndaýdy maqsat etip qoıdyq.

Jalpy, Portýgalııa is-sapary týraly pikirimiz óte jaqsy, joǵary deńgeıde ótti. Kóńilge medeý bolarlyǵy, bul halyqaralyq týrnırge Qazaqstannan alǵash ret komanda qatysyp otyrǵandyqtan, týlardyń arasyna Qazaqstan týy arnaıy tigildi. Biz ulttyq qurama bolmasaq ta, bizge degen qurmeti retinde Qazaqstannyń ánurany oınaldy. Balalarymyz júldeli oryn almasa da portýgal halqynyń júreginen oryn aldy. Ony trıbýnadaǵy halyqtyń ystyq yqylasyna qalaı bólengenin vıdeolardan kórýge bolady. Ary qaraı josparymyz bar. Sol boıynsha jumystarymyzdy jalǵastyramyz.

 

Qurmetpen,

«Arlandar» fýtbol klýbynyń dırektory Fazylbek ÁBSATTAR,

ASTANA