بوكستان ۇلتتىق قۇراما سوڭعى دايىندىقتى باستادى (ۆيدەو)

شىمكەنت قالاسىنداعى «الما-تاۋ» بازاسىندا بوكستان قازاقستان ۇلتتىق قۇراما كومانداسىنىڭ وقۋ-جاتتىعۋ جيىنىنىڭ سوڭعى كەزەڭى باستالدى.

بۇعان دەيىن حابارلانعانداي، ۇلتتىق قۇراما وزبەكستاننىڭ استاناسى -تاشكەنت قالاسىندا وتەتىن الەم چەمپيوناتىنا دايىندىقتىڭ العاشقى وقۋ-جاتتىعۋ جيىنى اياقتالعان بولاتىن. ەندى بوكسشىلار 29 ساۋىرگە دەيىن «الما-تاۋ» بازاسىندا الەم چەمپيوناتىنا دايىندىقتىڭ سوڭعى كەزەڭىن وتكىزەدى. ودان كەيىن 30 ساۋىردە تاشكەنتكە جول جۇرەدى. وسى كۇنى الەمدىك دودانىڭ جەرەبە تارتۋ ءراسىمى باستالادى.

ۇلتتىق قۇرامانىڭ العاشقى وقۋ-جاتتىعۋ جيىنى وتە جاقمسى بولدى. بوكسشىلار وتە ىنتا-جىگەرمەن جاتتىقتى. ەندى اقىرعى دايىندىقتى باستادىق. ەندى تۇركىستان وبلىسىنداعى «الما-تاۋ» بازاسىندا باسقا ەلدەرمەن بىرگە وقۋ-جاتتىعۋ جيىنىن وتكىزەمىز. ەگەر اۆستراليا، فيلليپين ەلدەرى كەلىپ ۇلگەرسە ولار دا بىزبەن بىرگە جاتتىعادى. ال قازىر ارمەنيا مەن تاجىكستاننىڭ قۇرامالارى جاتتىعىپ جاتىر. وسى بىرىككەن جاتتىعۋدا ارنايى تاكتيكاعا دايىندالامىز. سودان كەيىن الەم چەمپيوناتىنا قاتىساتىن بوكسشىلاردىڭ ءتىزىمىن جاريالايمىز، — دەدى باس جاتتىقتىرۋشى مىرزاعالي ايتجانوۆ.

وزبەكستاندا بوكستان الەم چەمپيوناتى 1-14 مامىر ارالىعىندا بولادى.

داستان كەنجالين،

استانا

 

View this post on Instagram

 

A post shared by Kazakhstan Boxing Federation (@boxingkazakhstan)