Bokstan ulttyq qurama sońǵy daıyndyqty bastady (VIDEO)

Shymkent qalasyndaǵy «Alma-Taý» bazasynda bokstan Qazaqstan ulttyq qurama komandasynyń oqý-jattyǵý jıynynyń sońǵy kezeńi bastaldy.

Buǵan deıin habarlanǵandaı, ulttyq qurama О́zbekstannyń astanasy -Tashkent qalasynda ótetin álem chempıonatyna daıyndyqtyń alǵashqy oqý-jattyǵý jıyny aıaqtalǵan bolatyn. Endi boksshylar 29 sáýirge deıin «Alma-Taý» bazasynda álem chempıonatyna daıyndyqtyń sońǵy kezeńin ótkizedi. Odan keıin 30 sáýirde Tashkentke jol júredi. Osy kúni álemdik dodanyń jerebe tartý rásimi bastalady.

Ulttyq quramanyń alǵashqy oqý-jattyǵý jıyny óte jaqmsy boldy. Boksshylar óte ynta-jigermen jattyqty. Endi aqyrǵy daıyndyqty bastadyq. Endi Túrkistan oblysyndaǵy «Alma-taý» bazasynda basqa eldermen birge oqý-jattyǵý jıynyn ótkizemiz. Eger Avstralııa, Fıllıpın elderi kelip úlgerse olar da bizben birge jattyǵady. Al qazir Armenııa men Tájikstannyń quramalary jattyǵyp jatyr. Osy birikken jattyǵýda arnaıy taktıkaǵa daıyndalamyz. Sodan keıin álem chempıonatyna qatysatyn boksshylardyń tizimin jarııalaımyz, — dedi bas jattyqtyrýshy Myrzaǵalı Aıtjanov.

О́zbekstanda bokstan álem chempıonaty 1-14 mamyr aralyǵynda bolady.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)