رىباكينا WTA 500 ءتۋرنيرىن جەڭىسپەن باستادى

قازاقستاننىڭ جەكەلەگەن سىنداعى ءبىرىنشى، الەمنىڭ 7-راكەتكاسى ەلەنا رىباكينا گەرمانيانىڭ شتۋتگارت قالاسىندا ءوتىپ جاتقان WTA 500 ءتۋرنيرىن جەڭىسپەن باستادى.

ول تۋرنيردەگى العاشقى كەزدەسۋىن دۇنيەجۇزىلىك رەيتينگتە 65-ورىندا تۇرعان گەرمانيالىق يۋلە نيمايەرمەن وتكىزدى. قارسىلاستاردىڭ بۇعان دەيىن ءوزارا جولدارى توقايلاسپاعان ەدى.

ەلەنا رىباكينا ءبىر جارىم ساعاتقا سوزىلعان ماتچتا 7:5، 6:3 ەسەبىمەن جەڭىسكە جەتتى.

قازاقستان تەننيسشىسى 9 ەيس جاساپ، 5 برەيك-پوينتتىڭ ۇشەۋىن ءوز ەسەبىنە جازدى.

ەندى رىباكينا شيرەك فينالعا شىعۋ ءۇشىن الەمنىڭ 14-راكەتكاسى، برازيليالىق بەاتريس حادداد مايامەن كەزدەسەدى.

داستان كەنجالين،

استانا