Alanna Berikqyzy men Ámına Qaıyrbekova shahmattan álem chempıony atandy

Grekııanyń Rodos qalasynda mektep oqýshylary arasynda shahmattan álem chempıonaty aıaqtaldy. Mádenıet jáne sport mınıstrligi Sportty damytý dırekııasynyń habarlaýynsha, 14-22 sáýir aralyǵynda ótken shahmat dodasyna 7-17 jas aralyǵyndaǵy 500-den asa oqýshy qatysty.

Bul jarysta Qazaqstan quramasy júlde sany jaǵynan birinshi oryn (2 altyn, 2 kúmis, 5 qola) aldy. G09, ıaǵnı 9 jasqa deıingi oıynshylar arasynda klassıkalyq shahmattan Alanna Berikqyzy men Ámına Qaıyrbekova chempıon atandy. Alanna Berikqyzy shveıarııalyq júıe boıynsha 9 partııanyń segizinde jeńiske jetti. Ol sheshýshi matchta negizgi qarsylasy – mońǵolııalyq elmýýn Iderden (8 upaı) basym tústi. Jalpy, bul jas sanatynda 41 oıynshy synǵa tústi. Osy tusta Alanna bir jarym jylda 4-razrıadtan álem chempıony atyǵyna deıin jetip otyr. Osy nátıjesiniń arqasynda qazir Alanna Berikqyzy G09 boıynsha FIDE reıtınginde birinshi orynǵa kóterildi.

Ámına Qaıyrbekova 17 jasqa deıingi sanatta 8 kezdesýdi utyp, túrkııalyq Zeınep Chıftındi (7,5 upaı) artta qaldyrdy. Úzdik úshtikti qarsylastaryn 6 ret utyp, bir ret teń túsken taǵy bir túrkııalyq Elıfnaz Akat (6,5 upaı) túıindedi.

Top jarǵan Alanna Berikqyzyna bas júldeni belgili shahmatshy Jan-Mıshel Raper, al Ámına Qaıyrbekovaǵa Rodos qalasy gýbernatorynyń orynbasary Kallıstos Dıakogeorgıý tabys etti.

Kúmis júldeni Nuráli Nýrshın (U07 jas sanaty, 7,5 upaı) men Aısultan Bısalıev (U09 jas sanaty, 7) ıelendi.

Qola júldeni Rızat Ulan (U07 jas sanaty, 7 ball), Álimjan Jaýynbaı (U09 jas sanaty, 7 upaı), Danıs Qýandyquly (U11 jas sanaty, 6,5), Edgar Mamedov (U13 jas sanaty, 7) pen  Dalııa Dıasqyzy (G11 jas sanaty, 6,5) aldy.

Júlde sany jaǵynan ekinshi orynǵa Túrkııa quramasy (3 altyn, 2 kúmis, 2 qola) jaıǵassa, úshinshi oryndy Mońǵolııa komandasy (2 altyn, 3 kúmis, 1 qola) ıelendi.

Dastan KENJALIN,

ASTANA