SportPress.kz Qazaqstan sport jańalyqtary
Tashkentte ótip jatqan bokstan álem chempıonatynyń toǵyzynshy kúni Qazaqstannyń bes boksshysy rıngke shyǵyp, olardyń tórteýi jeńiske jetti. Bul týraly rast.kz habarlady.
Búgin chempıonattyń toǵyzynshy kúninde sharshy alańǵa 51, 54, 67, 71, 75, 80 kelige deıingi salmaqtardaǵy boksshylar kóterilip, 1/8 fınaldyq teketiresterge qatysty.
Osy kúni bizden kúndizgi sessııada 71 kelige deıingi salmaqtaǵy komanda kapıtany Aslanbek Shymbergenov ızraıldik Mıroslav Kapýlermen, 80 kelige deıingi salmaqtaǵy Nurbek Oralbaı túrik Kaan Aıkýtsynmen kezdesip, ekeýi de qarsylastarynan 5:0 esebimen basym tústi. Aslanbek básekelesin úshinshi raýndta bir ret nokdaýnǵa da túsirdi.
Keshki sessııada da bizdiń eki boksshymyz qarsylastarynan 5:0 esebimen basym tústi. Jarys jolyn 54 kelige deıingi salmaqtaǵy Mahmud Sabyrhan men úndistandyq Sachın Sachın ashty. Shaıqas barysynda Mahmud birinshi raýndta jeńip shyqqanymen, ekinshi raýndta ınııatıvany qarsylasyna berip qoıdy. Degenmen, sońǵy raýndty óte joǵary qarqynmen ótkizip, jeńistiń óziniki ekenine eshkimniń kúmánin keltirmedi. Sodan keıin 67 kelige deıingi salmaqtaǵy Dýlat Bekbaýov kelesi bir úndistandyq Akash Akashpen qolǵap túıistirdi. Ol birinshi raýndta utylyp turdy. Biraq kelesi raýndtarda sol olqylyqtardyń ornyn toltyrdy.
О́kinishke qaraı, 75 kelige deıingi salmaqtaǵy Nurqanat Raıys brazılııalyq Ýandereı Pereıradan asa almady. Úsh raýndta da ese jibergen ol 0:5 bolyp utyldy.
Osymen, altynshy boksshymyz jarys jolynan shyǵyp qalyp otyr.
Erteń, 10 mamyrda 1/4 fınaldyq jekpe-jekterge kezek keledi. Oǵan bizden 7 boksshy qatysady.
Buǵan deıin bizden 48 kelige deıingi salmaqtaǵy Sanjar Táshkenbaı, 57 kelige deıingi salmaqtaǵy Serik Temirjanov jáne asa aýyr salmaqtaǵy Qamshybek Qońqabaev shırek fınalǵa shyǵyp qoıǵan bolatyn. Sonyń ishinde Sanjar – japon Kazýma Aratakemen, Serik – kýbalyq Del-Reı Saıdel Orta Rodrıgespen, al Qamshybek ózbek Bahodır Jalolovpen «medaldar aýylyna» qaraı ótý úshin kúsh synasady.
Sol sııaqty 54 kelidegi Mahmýd Sabyrhan – ganalyq Mohammed Amadýmen, 67 kelidegi Dýlat Bekbaýov – meksıkalyq Mıgýel Angel Martınespen, 71 kelidegi Aslanbek Shymbergenov – franııalyq Makan Troaremen, al 80 kelidegi Nurken Oralbaı ıordanııalyq Eıshaısh Hýsseın Iashaıshpen qolǵap túıistiredi.
Bul juptarda jeńiske jetkender, álbette, keminde qola medal alady.
Erteń,11 mamyrda boksshylar tynyǵady. Odan ary, 12 mamyrda jartylaı fınaldyq aıqastar ótedi, al fınal 13-14 mamyr kúnderi oınalady.
«Qazsport» telearnasy erteń, 10 mamyrda Astana ýaqyty boıynsha saǵat 18.55-22.30 aralyǵynda chempıonattan translıaııa jasaıdy. Onda 48, 54, 60, 67, 75. 86 kelige deıingi jáne 92 keliden aýyr salmaqtardaǵy shırek fınaldyq jekpe-jekter kórsetiledi.
