SportPress.kz قازاقستان سپورت جاڭالىقتارى
قازاقستان ۇلتتىق قۇراماسىنىڭ ويىنشىسى باحتيەر زاينۋتدينوۆ باق وكىلدەرىنە ەۋروپا چەمپيوناتىنىڭ ىرىكتەۋ تۋرنيرىندەگى سان-مارينو كومانداسىمەن ويىن تۋرالى ويىن ايتتى.
– باحتيەر، تسسكا ساپىندا رەسەي كۋبوگىنداعى جەڭىستەن كەيىن ءوزىڭدى قالاي سەزىنىپ ءجۇرسىڭ؟
– ەلىمىزدىڭ ابىرويىن قورعاۋ ءۇشىن ۇلتتىق قۇرامادا ارقاشان ۇلكەن قۇلشىنىسپەن وينايمىن. كۋبوكتاعى جەڭىس مەنى شابىتتاندىرا ءتۇستى. سان-ماريونمەن ماتچقا تولىق دايىنمىن دەپ ايتا الامىن.
– رەسەي كۋبوگىن العاندا كوز جاسىڭىزعا ەرىك بەردىڭىز. ەموتسياڭىزدى جاسىرا المادىڭىز با؟
– بۇل جاي عانا ەموتسيا. شىنى كەرەك، رەسەيدە وتكەن سوڭعى بەس جىلدا العاش رەت ۇلكەن جەڭىسكە جەتىپ وتىرمىن. سول سەبەپتەن كوڭىلىم بوسادى.
– سان-مارينومەن ويىن تۋرالى نە ايتا الاسىز؟ شابۋىلشى بولىپ وينايتىن سياقتىسىز.
– سان-مارينومەن ويىن وڭاي بولمايدى. قارسىلاستىڭ قورعانىسىن بۇزۋ وڭاي بولادى دەپ ويلامايمىن. قارسىلاستى باعالاماۋ دەگەن بولماۋ كەرەك. بارلىعىنا ءجۇز پايىز دايىنبىز. شىنىن ايتقاندا پوزيتسيام تۋرالى ءالى بىلمەيمىن.
– ءتورت جىل بۇرىن استانادا سان-مارينومەن كەزدەسىپ، ءىرى ەسەپپەن ۇتتىق. سول ويىن ەسىڭىزدە مە؟
– استاناداعى ماتچتا وينامادىم. ال سىرت الاڭداعى ويىن ءالى دە ەسىمدە. 3:1 ەسەبىمەن جەڭىسكە جەتتىك. سول كەزدە دە وڭاي ويىن بولمادى. وسى ۋاقىت ارالىعىندا قارسىلاس بارلىق جاعىنان كۇشەيە ءتۇستى. قارسىلاستىڭ بۇگىنگى ويىنىن قاراپ، بۇرىنعى كوماندا دەپ ايتا المايمىن.
– ال مىنا سۇراقتى وسى جەردە قويۋ كەرەك بولىپ تۇر. سوڭعى جىلدارى ا سەرياسى تۋرالى اڭگىمە كوبەيىپ كەتتى. كەلەسى ماۋسىمدا يتاليادا ويناۋعا شاقىرتۋ العان جوقسىز با؟
– توپ-5 چەمپيوناتىندا ويناۋ – مەنىڭ بالا كەزدەن بەرگى ارمانىم. ول ءۇشىن تسسكا-عا دا، ماعان دا جاقسى ۇسىنىس بولۋ كەرەك. ارمادار ورىندالادى دەيدى عوي. سول ءۇشىن قولدا بار مۇمكىندىكتىڭ ءبارىن جاساپ جاتىرمىن.
– ا سەرياسىنىڭ وكىلدەرى، اگەنتتەرى قوناق ۇيگە كەلمەدى مە؟
– جوق، كەلگەن جوق.
