SportPress.kz Qazaqstan sport jańalyqtary
Qazaqstan ulttyq quramasynyń oıynshysy Bahtıer Zaınýtdınov BAQ ókilderine Eýropa chempıonatynyń irikteý týrnırindegi San-Marıno komandasymen oıyn týraly oıyn aıtty.
– Bahtıer, SKA sapynda Reseı Kýbogyndaǵy jeńisten keıin ózińdi qalaı sezinip júrsiń?
– Elimizdiń abyroıyn qorǵaý úshin ulttyq quramada árqashan úlken qulshynyspen oınaımyn. Kýboktaǵy jeńis meni shabyttandyra tústi. San-Marıonmen matchqa tolyq daıynmyn dep aıta alamyn.
– Reseı kýbogyn alǵanda kóz jasyńyzǵa erik berdińiz. Emoııańyzdy jasyra almadyńyz ba?
– Bul jaı ǵana emoııa. Shyny kerek, Reseıde ótken sońǵy bes jylda alǵash ret úlken jeńiske jetip otyrmyn. Sol sebepten kóńilim bosady.
– San-Marınomen oıyn týraly ne aıta alasyz? Shabýylshy bolyp oınaıtyn sııaqtysyz.
– San-Marınomen oıyn ońaı bolmaıdy. Qarsylastyń qorǵanysyn buzý ońaı bolady dep oılamaımyn. Qarsylasty baǵalamaý degen bolmaý kerek. Barlyǵyna júz paıyz daıynbyz. Shynyn aıtqanda pozıııam týraly áli bilmeımin.
– Tórt jyl buryn Astanada San-Marınomen kezdesip, iri eseppen uttyq. Sol oıyn esińizde me?
– Astanadaǵy matchta oınamadym. Al syrt alańdaǵy oıyn áli de esimde. 3:1 esebimen jeńiske jettik. Sol kezde de ońaı oıyn bolmady. Osy ýaqyt aralyǵynda qarsylas barlyq jaǵynan kúsheıe tústi. Qarsylastyń búgingi oıynyn qarap, burynǵy komanda dep aıta almaımyn.
– Al myna suraqty osy jerde qoıý kerek bolyp tur. Sońǵy jyldary A serııasy týraly áńgime kóbeıip ketti. Kelesi maýsymda Italııada oınaýǵa shaqyrtý alǵan joqsyz ba?
– Top-5 chempıonatynda oınaý – meniń bala kezden bergi armanym. Ol úshin SKA-ǵa da, maǵan da jaqsy usynys bolý kerek. Armadar oryndalady deıdi ǵoı. Sol úshin qolda bar múmkindiktiń bárin jasap jatyrmyn.
– A serııasynyń ókilderi, agentteri qonaq úıge kelmedi me?
– Joq, kelgen joq.
