قازاقستان تەننيسشىسى ۇلىبريتانياداعى ءتۋرنيردىڭ فينالىنا شىقتى

قازاقستاننىڭ جۇپتىق سىنداعى ءبىرىنشى، الەمنىڭ 53-راكەتكاسى الەكساندر نەدوۆەسوۆ ۇلىبريتانياداعى چەللەندجەر ءتۋرنيرىنىڭ فينالىنا شىقتى.

جارىستىڭ ءبىرىنشى راكەتكاسى بولىپ تىركەلگەن نەدوۆەسوۆ پەن ەكۆادورلىق گونسالو ەسكوبار اۋەلى ااستراليالىقتار ەندريۋ حارريس پەن ليۋك سەۆيلدى 6:2، 6:4 ەسەبىمەن جەڭدى.

ولان كەيىن قازاقستاندىق-ەكۆادورلىق دۋەت شيرەك فينالدا گەرمانيالىق كونستانتين فرانتسەن مەن حەندريك يەبەنسنەن 6:4، 3:6، 10:4 ايلاسىن اسىردى.

الەكساندر مەن گونسالو جارتىلاي فينالدا بەلگيالىقتار زيزۋ بەرگس پەن يوريس دە لورەمەن كەزدەسكەندە ەسەپ 7:6 (7:3)، 7:5 جانە سۋپەر تاي-برەيكتە 10:5 بولىپ تىركەلدى.

ەندى الەكساندر نەدوۆەسوۆ پەن گونسالو ەسكوبار فينالدا ءتۋرنيردىڭ 3-راكەتكالارى، امەريكالىق روبەرت گەللوۋەي پەن اۆستراليالىق دجون پاتريك سميتپەن باس جۇلدەنى ساراپقا سالادى.

داستان كەنجالين،

استانا