SportPress.kz قازاقستان سپورت جاڭالىقتارى
الەمنىڭ 3-راكەتكاسى، ۋيمبلدون ءتۋرنيرىنىڭ جەڭىمپازى ەلەنا رىباكينانىڭ سۋرەتى بەينەلەنگەن «قازپوشتا» ماركاسىندا شىقتى، دەپ حابارلادى قازاقستان تەننيس فەدەراتسياسى.
بۇل – ەل تاريحىندا تەننيسشىنىڭ سۋرەتى باسىلعان ءبىرىنشى پوشتا ماركاسى.
ەلەنا رىباكينا ەلىمىزدە تەننيستىڭ كەڭىنەن تارالۋىنا جانە ناسيحاتتالۋىنا كوپ ەڭبەك ەتىپ كەلەدى. سونداي-اق الەمدە ەلىمىزدىڭ ابىرويىن ارتتىرۋعا ءوز ۇلەسىن قوسىپ جاتىر.
تەننيسشىنىڭ سۋرەتى بەينەلەنگەن پوشتا ماركاسى «سپورت» سەرياسى بويىنشا «قازاقستان چەمپيوندارى. ەلەنا رىباكينا» دەگەن تاقىرىپپەن شىقتى.
پوشتا ماركاسى وفسەتتىك تاسىلمەن ءتورت بوياۋمەن باسىلعان.
وسى كۇندەرى رىباكينا ۋيمبلدون تۋرنيرىنە قاتىسۋعا دايىندالۋدا. ول تۋرنيردەگى العاشقى ويىنىن الەمنىڭ 49-راكەتكاسى، امەريكالىق شەلبي رودجەرسكە قارسى وتكىزەدى.
