VI jazǵy Spartakıadada: Almaty qalasynyń mergenderi top jardy (FOTO)

Búgin Shymkent qalasynda nysana kózdeýden VI jazǵy Spartakıadasy aıaqtaldy.

Mádenıet jáne sport mınıstrligi Sportty damytý dırekııasynyń habarlaýynsha, bir aptaǵa sozylǵan básekede 27 baǵdarlamada júlde sarapqa salyndy. Onyń 12-si jekeleı, 12-si komandalyq saıysta, qalǵan 3 medal jıyntyǵy aralas juptar arasynda óz ıesin tapty. Barlyǵy Shymkenttegi básekege 9 óńirden 138 sportshy qatysty.

Búgingi eki júlde jalpy eseptegi jeńimpazdy anyqtap berdi. Jyljymaly nysana kózdeý men 10 metrden pnevmatıkalyq tapanshamen aralas juptyq synda Almaty qalasy chempıon atanyp, jalpy esepte birinshi oryn aldy. Olardyń enshisinde 13 altyn, 16 kúmis pen 5 qola medal bar. Al Shymkent qalasy (13 altyn, 6 kúmis, 8 qola) ekinshi bolsa, úzdik úshtikti Jambyl oblysy 1 altyn, 4 qolamen túıindedi.

Osy Spartakıadada eń qıyn fınal búgin boldy. Irikteýde 586 upaı jınadym. Bul meniń úzdik kórsetkishim deı almaımyn. Budan kóp ball jınaǵan kezder boldy. Fınal men úshin sátsiz bastaldy. Biraq ortasyna qaraı bar sheberligimdi kórsete bastadym. Qarsylastarymnyń aldyn orap jeńiske jetkenime qýanyshtymyn. Osy sát úshin biz uzaq daıyndalamyz. Endi sheteldegi jarystardan júldeli oralýǵa barymdy salamyn,- dedi ulttyq quramanyń sportshysy Islam Sátpaev.

Al Almaty qalasynyń sportshysy Aleksandra Sádýaqasovanyń aıtýynsha, ol jarysta bar múmkindiginiń 60 paıyzyn kórsetti.

Nátıjeme kóńilim tolady. Búgin besinshi júldemdi jeńip aldym. Kelesi jarysqa deıin daıyndalýǵa kóp ýaqyt joq. Alda jastar arasyndaǵy álem chempıonaty kele jatyr. Sosyn, Azııa oıyndarynda jaqsy nátıje kórsetýimiz kerek, — dedi  ol.

Osymen Olımpıada baǵdarlamasyna kiretin 25 sport túrinen VI jazǵy Spartakıada máresine jetti. Nysana kózdeýden soń 20 óńirdiń ishinde jalpy esepte anaý aıtqandaı ózgeris bolǵan joq. Qazir Almaty qalasy kósh bastap kele jatyr. Al odan keıingi satyda Shymkent qalasy tursa, Qaraǵandy oblysy úshinshi satyny Astana qalasyna bermeı, ózderinde saqtap qaldy.

Eske sala keteıik, 4 jyl buryn nysana kózdeýden V jazǵy Spartakıada osy Shymkent qalasynda ótip, jarys qojaıyndary top jarǵan. Al jalpy esepte ekinshi oryndy Almaty qalasy alǵan.

Shamken BAIYRBEK,

FOTO: Mádenıet jáne sport mınıstrligi Sportty damytý dırekııasy

ASTANA