«Dopty dál bere almadym»:  Rybakına Ýımbldondaǵy jeńilisi týraly

Tennısshi Elena Rybakına óziniń Ýımbldon týrnırindegi keshegi jeńilisi týraly aıtyp berdi.

Onyń aıtýynsha, týnıstik Ons Jabermen shırek fınaldaǵy matchtyń qıyn bolǵan.

Oıyn qıyn boldy. Ony jasyra almaımyn.  Matchta jankúıerler qarsylasymdy kóp qoldady. Ol maǵan áser etken joq. Men oǵan nazar aýdarmadym. О́tken jylǵy fınalmen salystyrǵanda, qarsylasym jaqsy oınady. О́zimde de, ásirese, ekinshi sette kóptegen múmkindikter boldy. Alaıda dop berýdegi dáldigim jetispedi.Bul meniń basty qarýym edi. Sol kezde ol sheshýshi sátterde óte dál dop berip, oınady, — dedi ol.

Sonymen birge ol alǵashqy matchtaryn jaqsy ótkizgenine  qýanatynyn, óıtkeni solardyń ózi ońaı bolmaǵanyn aıtty.

Ár oıyn saıyn kúsh jınadym. Endi Amerıkadaǵy týrnırlerge daıyndalýym kerek. Osy eki aptadan jaqsy tájirıbe jınadym. Bıyl ata-anamnyń osynda kele alǵanyna qýanyshtymyn. Azdap demalyp, sosyn daıyndyqqa kirisemin, — dedi Rybakına.

Degenmen Ýımbldon týrnırinde jeńilip qalsa da Rybakına Londondaǵy eki apta ýaqytyn óte jaqsy ótkizgenin jasyrmady.

Dastan KENJALIN,

ASTANA