SportPress.kz قازاقستان سپورت جاڭالىقتارى
مادەنيەت جانە سپورت مينيسترلىگى سپورتتى دامىتۋ ديرەكتسياسى دۇنيەجۇزىلىك بوكس كەڭەسى (WBC) بارلىق سالماق دارەجەسىنىڭ رەيتينگىن جاڭارتتى. بوكسشى قامشىبەك قوڭقاباەۆ ۇزدىكتەردىڭ تىزىمىنەن شىعىپ قالعان.
Sports.kz-ءتىڭ حابارلاۋىنشا، ءبىرىنشى اۋىر سالماقتا سىنعا ءتۇسىپ جۇرگەن قامشىبەك قوڭقاباەۆ ەندى ۇزدىك 40 بوكسشىنىڭ قاتارىندا دا جوق.
وتكەن ايدا ول ءتىزىمنىڭ 30-ساتىسىندا تۇرعان بولاتىن. كەڭەستىڭ مۇنداي شەشىمدى قابىلداۋىنا سپورتشىنىڭ كاسىپقوي رينگتە ءجيى جەكپە-جەك وتكىزبەۋى سەبەپ بولۋى مۇمكىن.
ايتا كەتەيىك، قامشىبەك قوڭقاباەۆتىڭ كاسىپقوي بوكستاعى سوڭعى كەزدەسۋى 2022 جىلدىڭ ناۋرىز ايىندا وتكەن. سول كەزدە ول وزبەكستان وكىلى فاررۋح دجۋراەۆتى تەحنيكالىق نوكاۋتپەن جەڭگەن ەدى.
قامشىبەك قوڭقاباەۆ – اۋەسقوي بوكس پەن قاسىپقوي بوكستى قاتار الىپ جۇرگەن سپورتشى.
ەركەعالي بەيسەنوۆ،
استانا
