SportPress.kz Qazaqstan sport jańalyqtary
Iordanııanyń astanasy — Amman qalasynda kúres túrlerinenAzııa chempıonatynyń (U15&U20) sońǵy kúni U20 erkin kúresten 5 keli salmaq dárejesinde beldesýler ótip, balýandarymyz el qorjynyna 4 júlde saldy.
Atap aıtar bolsaq, 74 kelide synǵa túsken Aqmola oblysynyń balýany Erhan Beksultanov fınalda Iran eliniń ókili Hoseın Abbas Muhammadty 10:0 esebimen utyp, Azııa chempıony atandy.
Budan bólek 61 kelide synǵa túsken Ábdinur Nurlanbek koreıalyq Hýn Mındi 8:1, 86 kelidegi Imanǵalı Qaldybek ózbek Iskandarbek Tojıboevty 4:2 jáne 92 kelidegi Nurdáýlet Bekenov mońǵol Delgerdalaı Dembereldi 12:0 esebimen utyp, qurlyq chempıonatynyń qola júldesin ıelendi.
Erkin kúresten Qazaqstan quramasy jalpykomandalyq esepte qola júldeger atandy.
Osylaısha, Amman tórin toǵyz kún boıy dúbirge bólegen Azııa chempıonaty óz máresine jetti. Qazaqstan quramasyn tamasha jetistikpen shyn júrekten quttyqtaımyz!
Aspandııar ESENJOLOV,
FOTO: Kúres túrleri federaııasy
