«Aqtóbe» reseılik basshysynyń kesirinen Grýzııaǵa usha almady

Qazaqstan fýtbol keńistiginde keleńsiz oqıǵa boldy. Mundaı oqıǵa elimiz táýelsizdik alǵan kezden beri áli bolyp kórgen joq.

Keshe «Aqtóbe» fýtbol klýby Konferenııa lıgasynda Grýzııanyń «Torpedo» komandasymen oınaý úshin Kýtaısı qalasyna bir kún erte baryp, jattyǵýy kerek edi. Biraq Aqtóbe qalasynyń bas komandasy Kavkaz eline ýaqytynda bara almady. Osy másele áleýmettik jelide keńinen tarap, jankúıerlerdiń narazylyǵyn týdyrdy.

Belgili bloger ári fýtbol jankúıeri Arshat Orazovtyń aıtýynsha, Grýzııa jaǵy «Aqtóbe» fýtbol klýby Reseıdiń Týla qalasy arqyly ushyp keletin ushaqqa ruqsat bermepti. О́ıtkeni, ushaq Reseıdiki, al RF-nyń ushaqtaryna Grýzııada ushýǵa ruqsat berilmegen.

Charterdi «Aqtóbe» klýby Reseıdiń Týla qalasynan jaldaǵan eken. Nege Týla? О́ıtkeni, bir aı buryn «Aqtóbeniń» jańa basshysy Kýlenko degen kisi Týladan keldi.

Endi basqa ushaqpen barady. Durys jattyǵatyn ýaqyty bolmaıdy. Favorıt bolǵan matchtan jeńilip shyqsa, tipti uıat bolaıyn dep tur, — dedi ol.

Áleýmettik jelide «Aqtóbe» syrt alańda «Torpedodan» jeńiletin bolsa, oǵan Sergeı Kýlenkonyń kánili bolatynyn aıtylyp jatyr.  Sebebi, ol ózi basshylyq etetin komandanyń rejımin buzǵan. Komanda Grýzııaǵa ushý úshin Reseıdiń Týla qalasynyń charterine tapsyrys bergen. Sol sebepten Grýzııa sankııaǵa ushyraǵan eldiń ushaǵyn qabyldaýdan bas tartqan.

Endi reıs búginge qaldy. Búgin komandalar Astana ýaqytymen saǵat 23.00-de jasyl alańǵa shyǵýy tıis. Match Qazsport arnasynan tikeleı efırde kórsetiledi.

Blogerdiń aıtýynsha, negizi komandalar syrttaǵy oıynǵa bir kún buryn baryp, jattyǵý ótkizedi. Sóıtip, alańǵa úırenedi. Al Sýperpro komandalar adaptaııa úshin 2-3 kún buryn barady.

Dastan KENJALIN,

ASTANA