شاحماتتان ءاچ: قازاقستان قۇراماسى ەكى التىن مەن ءتورت كۇمىس جۇلدە الدى (فوتو)

گرۋزيانىڭ باتۋمي قالاسىندا راپيد جانە بليتس شاحماتتان كادەتتەر مەن جاستار اراسىنداعى الەم چەمپيوناتىندا قازاقستان قۇراماسىنىڭ وكىلدەرى  ايارۋ التىنبەك (U-12) پەن زارينا نۇرعاليەۆا (U-14) التىن مەدال مەن كۇمىس جۇلدە السا، الاننا بەرىكقىزى مەن يمان نəبيەۆ كۇمىس جۇلدەگەر اتاندى.

مادەنيەت جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا، شۆەيتساريالىق جۇيە بويىنشا 11 راۋندتان وتكەن جارىسقا 35 ەلدەن كەلگەن 450-دەن استام 8-18 جاس ارالىعىنداعى ويىنشى ءوزارا سىنعا ءتۇستى.

قازاقستان قۇراماسىنىڭ ورەندەرى 6 كۇنگە سوزىلعان چەمپيوناتتا ايتارلىقتاي نəتيجە كورسەتتى.

Əۋەلى جاس ويىنشىلار راپيد تۇرىنەن ۇزدىكتەردى انىقتادى. مۇندا الاننا بەرىكقىزى (10 جاسقا دەيىن)، ايارۋ التىنبەك (U-12) پەن زارينا نۇرعاليەۆا  (U-14) ءوز جاس ساناتىندا ەكىنشى ورىننان كورىندى.

وسىدان كەيىن كەزەك بليتس شاحماتقا كەلدى. زياتكەرلىك ويىننىڭ بۇل تۇرىندە باتۋميگە بارعان ەڭ جاس وتانداسىمىز 8 جاستاعى يمان نəبيەۆ كۇمىس مەدال جەڭىپ الدى. ول تەك شوتلانديالىق لۋيس چەنگكە ەسە جىبەردى. ال ايارۋ التىنبەك (U-12) پەن زارينا نۇرعاليەۆا (U-14) قارسىلاس شاق كەلتىرمەي، چەمپيون اتاندى.

جۋىردا عانا كلاسسيكالىق شاحماتتان 9 جاسقا دەيىنگى ويىنشىلار اراسىندا əلەم چەمپيونى اتانعان الاننا بەرىكقىزى بۇل سىندا ۇزدىك بەستىكتى تۇيىندەدى. وسى تۇستا ۇيىمداستىرۋشىلار جىگەرلەندىرۋ ءۇشىن بارلىق جاس ساناتىندا جاقسى نəتيجە كورسەتكەن əدەتتەگىدەي 3 ەمەس، 5 ويىنشىعا جۇلدە تابىس ەتكەنىن ايتا كەتۋ كەرەك.

جىلدام شاحماتتان ۋاقىتتى باقىلاۋ ءبىرىنشى قادامنان باستاپ ءار قادامعا 15 مينۋت + 5 سەكۋند، ال بليتس چەمپيوناتتارى ءۇشىن ءبىرىنشى قادامنان باستاپ ءار قادامعا 5 مينۋت + 3 سەكۋند بولدى.

شامكەن بايىربەك،

فوتو: مادەنيەت جانە سپورت مينيسترلىگىنىڭ سپورتتى دامىتۋ ديرەكتسياسى

استانا