Konferenııa lıgasy: «Tobyl» men «Aqtóbe» jarysty jalǵastyrady (VIDEO)

UEFA Konferenııa lıgasy irikteý týrnıriniń ekinshi satysynda Qostanaıdyń  «Tobyl» klýby men «Aqtóbe» komandasy kelesi aınalymǵa shyqty.

«Tobyl» Shveıarııanyń «Bazel» komandasyn birinshi oıynda 3:1 esebimen jeńgen edi. Ekinshi kezdesýde qarsylastarynan 1:2 esebimen utylyp qaldy. Sol sııaqty «Aqtóbe» Kýtaısıde jergilikti «Torpedo» jasaǵyn 4:1 esebimen utyp, ekinshi oıynda 1:2 esebimen jeńilýge májbúr boldy. Sóıtip, eki qazaqstandyq komanda da qarsylastarynan óz alańynda jeńilse de eki oıynnyń nátıjesi boıynsha jarysty odan ári jalǵastyratyn boldy.

Endi matchtarǵa kelsek, Qostanaı men Aqtóbedegi oıyndarǵa jankúıer kóp jınaldy. Machtarda ıne shanshar oryn bolmaı, fýtbol súıer qaýym ıyq tiresip, komandalaryna bolysyp otyrdy. Ásirese, Aqtóbedegi matchta fýtbol termıninde 12-oıynshy atanyp ketken jankúıerlerdiń komandaǵa qoldaýy óte kúshti boldy.

Qostanaıdaǵy oıynda «Bazel» machty belsendi bastady. Birinshi taımda eki gol salyp, komandany alǵa shyǵardy. Anton Kade 26-mınýtta esep ashsa, Jan Kevın Ogýsten 32-mınýtta penaltıden qaqpany dál kózdedi. Alaıda olardyń qýanyshy uzaqqa sozylmady.  Oıynnyń 43-mınýtynda «Bazel» qaqpasyna  penaltı belgilenip, odan Serj Deble múlt ketken joq. Al ekinshi taım teń dárejede ótip, tablodaǵa esep ózgermeı, sol qalpy match aıaqtaldy. Osylaısha «Tobyl» qarsylasynan 1:2 esebimen jeńilip qaldy.

Endi Qostanaıdyń klýby jarystyń úshinshi satysynda 10 jáne 17 tamyzda Irlandııanyń «Derrı Sıtı» jasaǵymen oınaıdy.

«Aqtóbe» men Kýtaısıdiń «Torpedosy» komandalarynyń oıyny tartysty ótti. Shyny kerek, syrt alańda qarsylastaryn 4:1 esebimen jeńgennen keıin Aqtóbeniń klýby ózine senimdi oınap, matchty óz  qolyna alýǵa tyrysty. Sonyń nátıjesinde 32-mınýtta Maksım Samorodov esep ashty.

Ekinshi taımda grýzııalyq komanda tarazy basyn teńestirýge umtyldy. Odan keıin taǵy birneshe dopty alań ıeleriniń qaqpasyna toǵytýǵa tyrysty. Áýeli Georgıı Arabıdze 58-mınýtta gol salsa, odan keıin 66-mınýtta Iraklıı Býgrıdze óz klýbyn alǵa shyǵardy. Esep osylaı matchtyń sońyna deıin ózgermeı, eki oıynnyń nátıjesi alań ıeleriniń paıdasyna sheshildi.

Endi «Aqtóbe» irikteý týrnıriniń úshinshi satysynda 10 jáne 17 tamyzda Rýmynııanyń  «Sepsı» klýbymen kezdesedi.

О́kinishke qaraı, Shymkenttiń «Ordabasy» klýby kelesi aınalymǵa shyǵa almady. Shymkenttiń komandasy Polshada Varshasanyń «Legııa» jasaǵymen kezdesip, 2:3 esebimen jeńilis tapty.

Birinshi oıyn 2:2 bolyp aıaqtalǵan edi. Sondyqtan «Ordabasyǵa» irikteý týrnırin odan ári jalǵastyrý úshin bir ǵana gol salý kerek bolatyn. Alaıda, qonaqtardyń shamasy «Legııamen» teń oınaýǵa jetpedi. Bul match ta asa tartysty jáne qyzyqty ótti. Oıyn basynan komandalar birden shabýylǵa kóshti. Tizgindi jergilikti fýtbolshylar óz qolyna alýǵa tyrysty.

Oıynnyń 18-mınýtynda «Legııa» fýtbolshysy Pavel Vsholek «Ordabasy» qaqpashysymen betpe-bet kelip, ony ońaı aldap, esep ashty. Odan keıin 42-mınýtta Iýrıı Rıbeıro esepti eseledi.

Ekinshi taımnyń 57-mınýtynda meımandardan Vsevolod Sadovskıı esepti bir golǵa qysqartty. 71-mınýtta «Legııa» taǵy bir gol saldy. Bul goldyń avtory Tomash Pekhart atandy. Osydan keıin «Ordabasy» oıynshysy Sergeı Malyı nysany dál kózdep, komandasyna úmit syılaǵandaı boldy. Alaıda odan ári qonaqtardyń esepti teńestirýge shamasy jetpedi. Eger match 3:3 bolǵanda «Ordabasy» kelesi kezeńge joldama alar edi.

Jalpy, osy oıynda Shymkenttiń komandasy jeńilse de jeńiske degen jigerin kórsetti.

Dastan KENJALIN,

ASTANA