شاحماتتان ءاچ: قازاقستاننىڭ قىزدار قۇراماسى فينالعا شىقتى

شاحماتتان قازاقستاننىڭ ايەلدەر قۇراماسى  پولشانىڭ بىدگوشش قالاسىندا  ءوتىپ جاتقان كوماندالىق الەم چەمپيوناتىندا فينالعا شىقتى.

شاحماتشىلار جارتىلاي فينالدا فرانتسيا قۇراماسىمەن ويناپ، جەڭىسكە جەتتى.

ۇلتتىق قۇراما ساپىندا ءبيبىسارا اساۋباەۆا، كسەنيا بالاباەۆا، اسەل سەرىكباي، مەرۋەرت كاماليدەنوۆا، الۋا نۇرمانوۆا جانە ءامينا قايىربەكوۆالار بار. ەندى فينالدا قازاقستان شاحماتشىلارى ½ فينالدا اقش كومانداسىن جەڭگەن گرۋزيامەن كەزدەسەدى. ماتچ 11 قىركۇيەكتە ساعات 18.00-دە باستالادى.

الەم چەمپيوناتىنا 12 كوماندا قاتىسىپ جاتىر. تۋرنير 2007 جىلدان بەرى ۇيىمداستىرىلىپ كەلەدى. بۇعان دەيىن قازاقستان قۇراماسى جارتىلاي فينالعا شىعىپ كورگەن ەمەس.

داستان كەنجالين،

استانا