Shahmatshy Jansaıa Ábdimálik álem chempıonatyna nege qatyspaǵanyn aıtty

Shahmatshy Jansaıa Ábdimálik Polshanyń Bydgosh qalasynda ótken komandalyq álem chempıonatyna nege qatyspaǵanyn aıtty.

Ol áleýmettik jelide oqyrmannyń biriniń: «Komandada siz nege bolmadyńyz?» — degen suraǵyna «qyzdar jarady, men jastarǵa orynymdy berdim, — dep qysqasha jaýap berdi.

Jansaıa Ábdimálik sáýir aıynda turmysqa shyqqan bolatyn. Onyń jubaıy – «Qazaqmys korporaııasy» JShS basqarma tóraǵasy qyzmetin atqarǵan 34 jastaǵy Nurahmet Nurıev. Instagramda shahmatshy úılený toıynyń áli bolmaǵany týraly da aıta ketken.

Qazaqstan qurama komandasy bıylǵy álem chempıonatynda kúmis júlde aldy. Ulttyq qurama ekinshi orynǵa ıe bolyp, tarıhı jetistikke jetti. Polshadaǵy álemdik dodada qurama sapynda Bıbisara Asaýbaeva, Ksenııa Balabaeva, Ásel Serikbaı, Merýert Kamalıdenova, Alýa Nurmanova men Ámına Qaıyrbekova el namysyn qorǵady.

Memleket basshysy Qasym-Jomart Toqaev ta shahmatshy qyzdardy arnaıy quttyqtap, jeńis tiledi.

Dastan KENJALIN,

ASTANA