Kúresten ÁCh: Jámıla Baqbergenova qola júlde úshin kúresedi

Serbııa astanasy — Belgradta kúres túrlerinen ótip jatqan álem chempıonatynda ulttyq qurama komandanyń múshesi Jámılá Baqbergenova qola júldesi úshin kúresetin boldy. Ol 72 kg salmaqqa deıingi synda Mońǵolııanyń ókili Davaanasan Enh-Amarınǵa jol berdi. Eki sportshy bıyl kóktemde Astanadaǵy Azııa chempıonatynyń jartylaı fınalynda kúreskende, Baqbergenovanyń mereıi ústem bolǵan. Sol kezde ol qarsylasyn 11:0 esebimen jeńgen edi.

Jámıla Baqbergenova  osyǵan deıin eki ret álem chempıonatynyń fınalyna shyǵyp, 2019 jyly Oslodan, byltyr Belgradtan kúmis júldemen elge qaıtqan.

Jartylaı fınalda jeńilip jatqan soń Jámıla táýekelge bardy. Sol kezde taktıka jaǵynan qatelik jiberdi. Jámıla chempıonat qarsańyndaǵy oqý-jattyǵý jıyny kezinde tumaýratyp qaldy. Sodan jattyǵýdy birneshe kúnge toqtattyq. Sonyń saldarynan munda tolyq babynda kele almady. Mońǵolııalyq balýan osal emes. Laıyqty qarsylyq kórsetti. Osyǵan deıin Jámıla ekeýi birneshe ret kúresken. Barlyq kezdesý osyndaı qıyn bolǵan edi. Endi qola medal úshin beldesýge daıyndalamyz. Kele jatqan Azııa oıyndarynda ol 76 kg salmaqta baq synaıdy. Bul Jámılanyń óz salmaǵy dep aıta alamyn, -dep aıtty Jámıla Baqbergenovanyń jeke jattyqtyrýshysy Sportty damytý dırekııasynyń baspasóz qyzmetine bergen suhbatynda.

Baqbergenova álem chempıonatyn 1/8 aınalymnan bastap, Eýropa chempıonatynyń qola júldegeri serb Fannı Nagıdyń jaýyrynyn jerge tıgizip, sosyn, reseılik Ksenııa Býrakovadan 7:1 esebimen aılasyn asyrdy.

Búgin fınalda Davaanasan amerıkalyq Amıt Elormen kúsh synasady. Al Jámıla Baqbergenova men franııalyq Kendra Dasheniń qola medal jolyndaǵy qarsylasy búgin kúndiz anyqtalady.

Osy tusta Jámıla Baqbergenova (72 kg) sary qurlyq bəsekesinde úsh ret jeńimpaz atanǵan tuńǵysh qazaq balýany ekenin aıta keteıik. Qazir onyń enshisinde Azııa chempıonatynyń bes medali bar (3 altyn, 1 kúmis, 1 qola).

Qazaq sportshysy chempıonattan keıin ulttyq quramamen elge oralyp, Qytaıda ótetin HIH jazǵy Azııa oıyndaryna daıyndyqty bastaıdy. Hanchjoý qalasynda ol Olımpıada baǵdarlamasyna kiretin 76 kg salmaqta baq synap, tájirıbeli Elmıra Syzdyqovanyń ornynda kúresedi.

Sondaı-aq keshe synǵa túsken ulttyq qurama sapyndaǵy Altyn Shaǵaeva (53 kg) birinshi aınalymda qytaılyq, Irına Kýzneova (62 kg) ekinshi beldesýinde germanııalyq, Elena Shalygına (68 kg) ekinshi beldesýinde Mońǵolııa sportshysynan jeńilip qaldy.

Shamken BAIYRBEK,

ASTANA

FOTO: Týrızm jáne sport mınıstrligi Sportty damytý dırekııasynyń baspasóz qyzmeti