«Jańa juldyz»: Ksenııa Balabaeva shahmattan álem chempıony atandy

Italııanyń Pýla qalasynda shahmattan 20 jasqa deıingi oıynshylar arasynda əlem chempıonaty aıaqtaldy.

Osy jarysta shahmattyń blı túrinen ótken synda otandasymyz 18 jastaǵy Ksenııa Balabaeva chempıon atandy. Əmına Qaıyrbekova kúmis júldege ıe boldy.

Eki shahmatshy da 8,5 upaıdan jınap, jarysty teń aıaqtady. Tek qosymsha kórsetkishter boıynsha Ksenııa Balabaeva basymdyqqa ıe bolyp, altyn medal aldy.

Birneshe kún buryn rapıdte chempıon bolǵan Govhar Beıdýllaeva (Ázerbaıjan) bul joly 7,5 balmen qola júldeni qanaǵat tutty. Taǵy bir shahmatshymyz Lııa Qurmanǵalıeva júldege bir taban jetpeı qaldy (7 ball). Zeınep Sultanbek altynshy (6,5 ball), Nazerke Nurǵalı jetinshi orynnan kórindi (6,5 ball).

Erler arasynda Arystan Isanjýlov úshinshi oryn aldy. Al rapıd túrinde Ksenııa Balabaeva ekinshi oryn, Zeınep Sultanbek úshinshi oryndy ıelendi.

Buǵan deıin 19 jastaǵy Bıbisara Asaýbaeva blı boıynsha eki dúrkin álem chempıony atanǵan edi. Ol Gınnestiń rekordtar kitabyna áıelder arasyndaǵy blı boıynsha eń jas álem chempıony retinde endi. Asaýbaeva 2021 jyly chempıon bolǵan kezde 17 jasta edi.

Sonymen qatar, 23 jastaǵy Jansaıa Ábdimálik jasóspirimder men jastar arasynda álem chempıony atansa, ótken jyly Germanııa Býndeslıgasynyń jeńimpazy atandy.

Ksenııa Balabaevaenyń jeńisi de aýyz toltyryp aıtarlyqtaı jańalyq bolyp otyr. Áleýmettik jelide Balabaevanyń jeńisin úlken jetistikke balap, ony qazaq qyzdarynyń ókshesin basyp kele jatqan «jańa juldyz» dep aıtyp jatyr.

Dastan KENJALIN,

ASTANA

FOTO: Týrızm jáne sport mınıstrliginiń Sportty damytý dırekııasy