Mańǵystaýlyq úsh birdeı boksshy Azııa chempıonatynyń fınalyna shyqty

Búgin Astana qalasynda bokstan jasóspirimder arasyndaǵy Azııa chempıonatynyń jartylaı fınalynda Qazaqstan erler quramasynyń múshesi, Mańǵystaý oblysynda týylǵan Beıbarys Nurmuhan (66 kg) men Baqytjan Aıtmuhanov (80 kg) rıngke shyqty.

Sharshy alańǵa birinshi shyqqan Beıbarys Jeksen (66 kg) qyrǵyzstandyq Ramazan Isaevty birinshi raýndta tehnıkalyq nokaýtpen jeńdi.

Al Baqytjan Aıtmuhanov (80 kg) taıpeılik Pang Gýan-Haony birinshi raýndta merzimnen buryn jeńip, Mańǵystaýdyń eki birdeı ulany fınalǵa shyqty.

Keshe jastar sanatynda jartylaı fınalda Qazaqstan qyzdar quramasynyń múshesi Ásem Tańatar Qyrǵyzstannyń ókili Aıjamal Ádilbekovany ekinshi raýndta tehnıkalyq nokaýtpen jeńdi.

Fınaldyq jekpe-jekter 3 qarasha kúni bolady. Oǵan mańǵystaýlyq bylǵary qolǵap sheberleri Ásem Tańatar, Beıbarys Jeksen jáne Baqytjan Aıtmuhanov óner kórsetedi.

Aıbek MUHANOV,

Mańǵystaý oblysy