SportPress.kz قازاقستان سپورت جاڭالىقتارى
استانادا تاەكۆوندودان VI جازعى سپارتاكيادا اياقتالدى. جارىس 2-4 جەلتوقسان ارالىعىندا جاقسىلىق ۇشكەمپىروۆ اتىنداعى جەكپە-جەك سارايىندا بولدى.
ءۇش كۇن بويى ەلىمىزدىڭ تۇكپىر-تۇكپىرىنەن 179 مىقتى سپورتشى مەدالدار ءۇشىن كۇش سىناستى.
وعان 113 ەر ادام مەن 76 ايەل قاتىستى. ولاردىڭ اراسىندا قىتايدىڭ حانچجوۋ قالاسىندا وتكەن جازعى ازيا ويىندارىنىڭ قولا جۇلدەگەرى سمايىل دۇيسەباي، ريو-دە-جانەيرو، توكيو قالالارىندا بولعان وليمپيالىق ويىندارعا قاتىسىپ، بىرنەشە حالىقارالىق ءتۋرنيردىڭ جەڭىمپازى اتانعان رۋسلان جاپاروۆ، چەندۋدەگى دۇنيەجۇزىلىك جازعى ۋنيۆەرسيادانىڭ چەمپيونى ريتا باكيشەۆا، قۇراما كوشباسشىلارى مەن حالىقارالىق تۋرنيرلەردىڭ بىرنەشە دۇركىن جەڭىمپازدارى بوتاگوز قاپانوۆا، نۇربەك گازەز، نۇراي حۋساينوۆا مەن باسقا دا سپورتشىلار بار.
سپارتاكيادادا سپورتشىلارىمىز 16 سالماق دارەجەسىندە ونەر كورسەتىپ، جەڭىمپازدى انىقتادى. تۋريزم جانە سپورت ءمينيسترى ەرمەك مارجىقپاەۆ جارىستىڭ فينالدىق جەكپە-جەكتەرىن تاماشالاپ، جەڭىمپازدار مەن جۇلدەگەرلەردى ماراپاتتادى.
داستان كەنجالين،
استانا
