Astanada taekvondodan VI jazǵy Spartakıada aıaqtaldy

Astanada taekvondodan VI jazǵy Spartakıada aıaqtaldy. Jarys 2-4 jeltoqsan aralyǵynda Jaqsylyq Úshkempirov atyndaǵy jekpe-jek saraıynda boldy.

Úsh kún boıy elimizdiń túkpir-túkpirinen 179 myqty sportshy medaldar úshin kúsh synasty.

Oǵan 113 er adam men 76 áıel qatysty. Olardyń arasynda Qytaıdyń Hanchjoý qalasynda ótken jazǵy Azııa oıyndarynyń qola júldegeri Smaıyl Dúısebaı, Rıo-de-Janeıro, Tokıo qalalarynda bolǵan Olımpııalyq oıyndarǵa qatysyp, birneshe halyqaralyq týrnırdiń jeńimpazy atanǵan Rýslan Japarov, Chendýdegi Dúnıejúzilik jazǵy Ýnıversıadanyń chempıony Rıta Bakısheva, qurama kóshbasshylary men halyqaralyq týrnırlerdiń birneshe dúrkin jeńimpazdary Botagóz Qapanova, Nurbek Gazez, Nuraı Hýsaınova men basqa da sportshylar bar.

Spartakıadada sportshylarymyz 16 salmaq dárejesinde óner kórsetip, jeńimpazdy anyqtady.  Týrızm jáne sport mınıstri Ermek Marjyqpaev jarystyń fınaldyq jekpe-jekterin tamashalap, jeńimpazdar men júldegerlerdi marapattady.

Dastan KENJALIN,

ASTANA