SportPress.kz Qazaqstan sport jańalyqtary
14 jeltoqsanda Astana qalasyndaǵy Jaqsylyq Úshkempirov atyndaǵy jekpe-jek saraıynda 2024 jylǵy fýtzaldan álem chempıonatynyń elıtalyq irikteý týrnıri aıasynda Qazaqstan men Nıderland quramalarynyń matchy bolady. Match saǵat 20:30-de bastalady. Oıyndy tikeleı efırde «QAZSPORT» telearnasy kórsetedi, dep habarlady Qazaqstan fýtbol federaııasy.
Qazaqstan quramasy álem chempıonatyna irikteý týrnırinde Rýmynııa, Ázerbaıjan jáne Nıderland quramalarymen birge A tobynda oınap jatyr. Qazir fýtzaldan elimizdiń bas komandasy tórt oıynnan keıin 12 upaımen kósh bastap keledi. Al qorjynynda 1 upaıy bar Nıderland quramasy tórtinshi orynda tur.
Eki quramaǵa buǵan deıin eki ret kezdesip, eki oıynda da Qazaqstan quramasy jeńdi. Alǵash ret 2019 jyly Rýmynııanyń Pıatra-Nıam qalasynda bolǵan matchta elimiz quramasy qarsylasyn 5:0 esebimen jeńse, bıylǵy irikteý týrnırinde syrt alańda Nıderlandtan 2:0 esebimen basym tústi.
Eki quramanyń da Eýropa jáne álemdik reıtıngindegi oryndarynda alshaqtyq bar. Qazaqstan Eýropa reıtınginde 4-orynda, álemdik reıtıngte 7-orynda bolsa, «Qyzǵaldaqtar» eliniń komandasy qart qurlyqtyń tiziminde 18-orynda, álemdik reıtıngte 34-orynda keledi.
Endi osy machta Qazaqstan quramasy jeńiske jetse, kelesi jyly bolatyn álem chempıonatyna joldama alady. Al mýndıal 2024 jylǵy 14 qyrkúıek pen 6 qazan aralyǵynda О́zbekstannyń Tashkent qalasynda bolady.
Fýtzaldan álem chempıonaty elıtaly týrnıri 20 jeltoqsanda aıaqtalady. 14 men 20 jeltoqsanda álem chempıonatyna qatysatyn jeti komandanyń beseýi anyqtalady.
Elıtaly raýndtaǵy bes toptyń jeńimpazdary álemdik dodaǵa tikeleı joldama alady. Al ekinshi oryn alǵan tórt úzdik komanda pleı-off matchtarynda oınaıdy. Olardyń jerebesi 2024 jyldyń 25 qańtarda tartylady. Al ÁCh joldamasy úshin qalǵan eki match 2024 jyldyń 8-17 sáýir kúnderine josparlanǵan.
2024 jylǵy Álem chempıonatynyń irikteý týrnıri. Elıtaly kezeń. «A» toby
Oıyn nátıjeleri:
15 qyrkúıek: Nıderland — Qazaqstan 0:2
15 qyrkúıek: Rýmynııa — Ázerbaıjan 3:1
20 qyrkúıek: Qazaqstan — Rýmynııa 4:3
20 qyrkúıek: Ázerbaıjan — Nıderland 6:1
6 qazan: Rýmynııa — Nıderland 2:1
6 qazan: Ázerbaıjan — Qazaqstan 2:4
10 qazan: Nıderland — Rýmynııa 1:1
11 qazan: Qazaqstan — Ázerbaıjan 3:2
Qalǵan oıyndardyń kestesi:
14 jeltoqsan: Qazaqstan — Nıderland
15 jeltoqsan: Ázerbaıjan — Rýmynııa
20 jeltoqsan: Rýmynııa — Qazaqstan
20 jeltoqsan: Nıderland – Ázerbaıjan.
