حوككەيدەن ءاچ: قازاقستان جاستار قۇراماسى ەليتالىق ديۆيزيونعا شىقتى

ماجارستاننىڭ بۋداپەشت قالاسىندا شايبالى حوككەيدەن 20 جاسقا دەيىنگى جاستار اراسىندا ءوتىپ جاتقان الەم چەمپيوناتىندا قازاقستان جاستار قۇراماسى ءبىر تۋر قالعاندا ەليتالىق ديۆيزيونعا جولداما الدى.

قازاقستان قۇراماسى ەليتالىق ديۆيزيونعا جالعىز جولدامانى IA ديۆيزيونىندا فرانتسيا، دانيا، جاپونيا، ماجارستان مەن اۆستريا قۇرامالارىمەن ساراپقا سالىپ، يە بولدى. وسى ديۆيزيوندا جاستار قۇراماسى قارسىلاستارىنىڭ ءبارىن جەڭدى. اتاپ ايتقاندا، الدىمەن ايدىن يەلەرى – ماجارستاندى 5:2، ەكىنشى ويىندا دانيانى 3:2، ودان كەيىن فرانتسيانى 4:0 ەسەبىمەن جەڭىپ، تقرتىنشى تۋردا جاپونيا كومانداسىنان 3:1 ەسەبىمەن باسىم ءتۇستى. كۇنشىعىس ەلىن جەڭگەن سوڭ، ەلىمىزىدڭ جاستار قۇراماسى 12 ۇپاي جيناپ، تىكەلەي ەليتالىق ديۆيزيونعا شىقتى.

ەندى جاستار قۇراماسى 17 جەلتوقساندا اۆستريامەەن وينايدى.

جاستار قۇراماسى الەم چەمپيوناتىنىڭ ءبىرىنشى ديۆيزيونىندا التى رەت وينادى. سونىڭ تورتەۋىندە جەڭىمپاز اتانىپ، ەليتالىق ديۆيزيونعا جولداما العان ەدى. ال ەليتالىق ديۆيزيوندا سەگىز رەت باق سىناپ، 1999 جىلى ءبىر رەت التىنشى ورىندى يەلەندى.

داستان كەنجالين،

استانا