SportPress.kz Qazaqstan sport jańalyqtary
О́zbekstannyń Samarqan qalasynda ótip jatqan rapıd pen blı shahmattan álem chempıonaty bel ortasyna jetti.
Týrızm jáne sport mınıstrligi Sportty damytý dırekııasynyń habarlaýynsha, keshe erler arasynda 13, al áıelder arasynda 11 týrǵa sozylǵan rapıdten júldegerler anyqtaldy.
Erler arasynda Sven Magnýs Karlsen 10 upaı jınap, taǵy eshkimge des bergen joq. Norvegııalyq grossmeıster byltyr Almatyda qos altyn medaldi jeńip alǵan bolatyn. Aldaǵy kúnderi ol blıte jetistigin qaıtalaýdan dámeli.
Magnýs – endi rapıdten 5 dúrkin, blıten 6 dúrkin álem chempıony. Sonymen qatar onyń klassıkalyq shahmattan 5 dúrkin álem chempıony degen ataǵy taǵy bar.
Keshe kúmis júlde Vladımır Fedoseevke (Slovenııa), qola Iý Iangqa (Qytaı) buıyrdy.
Qazaqstan oıynshylarynan eń úzdik nátıjeni Denıs Mahnev kórsetti (8 ball). Odan keıin Álisher Súleımenov (7,5) tur. Tolyq kesteni myna jerden kóre alasyzdar.
Áıelder arasynda Anastasııa Bodnarýk (FIDE) top jarsa, Úndistan shahmatshysy Hampı Konerý kúmis, Leı Tınze (Qytaı) qola júldege ıe boldy. Úsh oıynshy da 8,5 upaıdan jınady. Qosymsha kórsetkish boıynsha Anastasııa Bodnarýk bas júldeni jeńip aldy.
Qazir chempıon atanǵanyma sene almaı otyrmyn. Mundaı nátıje kórsetem dep oılaǵan joqpyn. Sheshýshi týrda Hampı Konerý menen jaqsy oınady. Alaıda men barynsha jyldam oıyn kórsetýge tyrystym. Rapıdti jaqsy oınaıtynym ras. Bıyl Reseı chempıonatynda top jardym. Endi barynsha tynyǵyp, 29 jeltoqsanda bolatyn blıke daıyndalamyn, — dedi Anastasııa Bodnarýk.
Ulttyq quramanyń kóshbasshysy Bıbisara Asaýbaeva bul syndy 19-orynda aıaqtady. Ol keshe Maı Narva (Estonııa), Elına Danıelııan (Armenııa), sońǵy týrda Nýtakkı Prııankamen (Úndistan) teń oınap, upaı sanyn jeteýge jetkizdi. Ulttyq quramadaǵy jas oıynshynyń biri Zarına Nurǵalıeva da 7 ball jınap, qosymsha kórsetkish jaǵynan 18-satyǵa kóterildi. Tolyq nátıje myna siltemede.
Aıta keteıik, bıylǵy chempıonattyń jalpy júlde qory – 1 mıllıon AQSh dollary. Onyń 700 myńy erler arasyndaǵy ashyq básekede, qalǵan 300 myńy áıelder arasyndaǵy týrnırdiń júldegerlerine úlestiriledi. Shahmatshylar 29-30 jeltoqsanda blı túrinen myqtylardy anyqtaıdy.
Álem chempıonaty jaıly barlyq aqparatty FIDE men Sportty damytý dırekııasynyń saıtynan bile ala alasyzdar. FIDE-niń YouTube arnasynda tikeleı efırde oıyndardy álem chempıony Vıshvanatan Anand pen shahmat jýrnalısi Anastasııa Karlovıch júrgizip jatyr.
Rapıd pen blıten byltyrǵy álem chempıonaty týra osy ýaqytta Almaty qalasynda ótip, rapıdte Dınara Sadýaqasova kúmis júldeger atansa, blıten sońǵy týrda Bıbisara Asaýbaeva altyn júldeni jeńip alǵan. Al erler arasynda eki synda da Magnýs Karlsen qarsylas shaq keltirmegen.
