Ulttyq qurama mergenderi taǵy tórt júldeni jeńip aldy

Nysana kózdeýden Indonezııanyń Djakarta qalasynda ótip jatqan Azııa chempıonatynda Qazaqstan quramasynyń qorjynyna taǵy 4 medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Vıntovkamen 50 metrden jatyp oq atýda Arına Altýhova chempıon atansa (626,8 upaı). Aleksandra Le qola júldeger atandy (618,4 upaı). Taǵy bir ulttyq quramanyń sportshysy Elızaveta Bezrýkova tórtinshi satydan kórindi (617,2). Nátıjesinde komandalyq synda da Qazaqstan altyn júldeni jeńip aldy. Al tapanshamen 25 metrden nysana kózdeýde Nıkıta Chırıýkın 568 upaımen úzdik úshtikti túıindedi.

Bul eki baǵdarlamada Olımpıada lıenzııasy sarapqa salynǵan joq.

Qazir jalpy esepte Qazaqstan 3 altyn, 1 kúmis, 2 qola medalmen tórtinshi orynda kele jatyr. Qurlyq chempıonaty 18 qańtarda aıaqtalady.