Stend atýdan Álisher Aısalbaev pen Marııa Dmıtrenko Azııa chempıony atandy

Stend atýdan Kýveıttiń astanasynda ótip jatqan Azııa chempıonatynyń trap baǵdarlamasynda Qazaqstan quramasy eki altyn júldeni jeńip aldy, dep habarlady Týrızm jáne sport mınıstrligi Sportty damytý dırekııasy.

Juptyq synda Álisher Aısalbaev pen Marııa Dmıtrenko 140 upaı jınap, el ánuranyn shyrqatty. Kúmis medal Iran mergeni Mohammad Beıranvand pen Marzıeh Parvareshtiń (137 upaı) enshisinde. Úzdik úshtikti qytaılyq sportshylar Iýhao Gýo men Sıaozın Van (136 upaı) túıindedi.

Qazaqstan-2 quramasynda óner kórsetken Aıjan Dosmaǵambetova men Maksım Bedarev jalpy esepte 129 upaı alyp, 12-satydan kórindi.

Parıj Olımpıadasynda trap baǵdarlamasyndaǵy aralas juptyq synda (mıkst) júlde sarapqa salynbaıdy. Onyń ornyn aldyńǵy oıyndardan syrt qalǵan skıttegi mıkst basady. Sol sebepti osy jarysta eshqandaı lıenzııa taratylǵan joq.

Stend atýdan Azııa chempıonaty 22 qańtarǵa deıin sozylady. Bıyl 35 elden jınalǵan 350-den astam mergen synǵa túsip jatyr. Kýveıtte Parıj Olımpıadasynyń 8 lıenzııasy sarapqa salynady.

Budan buryn habarlanǵandaı, ulttyq qurama trap baǵdarlamasynda 1 altyn, 2 qola medal jeńip aldy.

Trap baǵdarlamasynyń fınalynda Marııa Dmıtrıenko 30 upaı jınap, úshinshi oryndy ıelendi. Munda Parıj Olımpıadasynyń qos joldamasy jeńimpaz atanǵan Van Iý Lıý (Taıbeı) men kúmis júldeger Chjan Sınıýge (Qytaı) buıyrdy. Marııa sál erterekte irikteýde 117 nysanany dál kózdep, birinshi orynmen fınalǵa joldama alǵan bolatyn.

Al komandalyq synda Aıjan Dosmaǵambetova, Anastasııa Prılepına men Marııa Dmıtrıenko úshtigi Qytaı men Úndistan mergenderine ese jiberip, qola júldeger atandy.

Jastar arasynda Qazaqstan erler quramasy eshkimge des bermeı, altyn medaldi jeńip aldy. El namysyn Nıkıta Moıseev, Bogdan Konchenko men Nıkıta Chıkýlaev qorǵady.

Skıt jəne trap baǵdarlamasyna elimizden 18 sportshy qatysyp jatyr.