Sý sportynan ACh: Qazaqstan 8 altyn medal jeńip aldy (FOTO, VIDEO)

in Azııa chempıonaty, Basty taqyryp, Sýǵa júzý 28.02.2024 0 20 ret oqyldy

Fılıppınniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynyń ekinshi kúni Qazaqstan sporrtshylary 10 medaldi, onyń ishinde 8 altyn júldeni jeńip aldy.

A jáne V tobynda Ádilbek Mýsın, Maksım Skazobov pen Sofıa Spodarenko batterflıaı ádisimen 100 metrge júzýden chempıon atansa, brass ádisimen 50 metrge synǵa túsken Adelaıda Pchelıneva men Arsen Qojahmetov altyn júldeni ıelendi. Sol sııaqty 50 metrge erkin ádispen júzýge Sofııa Ábýbákirova márege birinshi bolyp jetti.

Komandalyq jarysta Egor Popov, Arsen Qojahmetov, Maksım Skazobov, Danııl Cherepanov bar erler quramy 100 metrge tórt ret júzýde bas júldeni ıelendi.

Sýǵa tuǵyrdan qatar sekirýde Dıana Jumaǵulova men Anabella Kochkına aldyna jan salǵan joq. Olar da birinshi orynǵa ıe boldy.

Dıana Tasjanova 1 500 metrge erkin ádispen júzýde kúmis medal alsa, Danııl Cherepanov ta erkin ádiste 50 metrge júzýde ekinshi oryndy qanaǵat tutty.

Sary qurlyq dodasynyń ekinshi kúninen keıin Qazaqstan 21 medaldi qaltasyna basyp otyr. Onyń ishinde 11 altyn, 6 kúmis pen 4 qola júlde bar.

Dastan KENJALIN,

ASTANA