Qazaqstan quramasy «Bolashaq oıyndaryn» ótkizý tájirıbesin zerttep jatyr

Týrızm jáne sport mınıstrligi Sport jáne dene shynyqtyrý isteri komıteti men Qazaqstan kıbersport federaııasynyń delegaııasy Reseıdiń Qazan qalasynda ótip jatqan I «Bolashaq oıyndaryna» jumys saparymen bardy.

Olar is-saparda oıyndardyń basym bóligin qabyldaǵan «Qazan EKSPO» ortalyǵyn aralady. Munda arenanyń uıymdastyrý jáne tehnologııa múmkindikterimen tanysyp, halyqaralyq baıqaýshylar komandasyna arnalǵan prezentaııaǵa qatysty. Spıkerler arasynda Halyqaralyq hokkeı federaııasynyń burynǵy prezıdenti Rene Fazel bar. Ol qazir oıyndardyń elshisiniń biri. Fıdjıtal (sporttyq jáne ıfrlyq sheshimder) pishininde ótip jatqan tarıhtaǵy alǵashqy halyqaralyq mýltısport týrnırin uıymdastyrýshylar Qazaqstan delegaııasyna jarystyń qyr-syryn egjeı-tegjeıli aıtyp berdi.

Qazir Tatarstan astanasyna álemniń 104 elinen barlyǵy 260 komanda (2000-nan astam sportshy) jınaldy. Jarys 5 topqa nemese sport, strategııa, taktıka, tehnologııa, jyldamdyq syn-qaterleri syndy bólimge kiretin 21 baǵdarlama boıynsha jalǵasyp jatyr.  Qazaqstannyń 48 ókili 13 saıysqa qatysýda. Olar Dota2, fıdjıtal-hokkeı, fıdjıtal-fýtbol, fıdjıtal-basketbol, drondar jarysy, Robottar shaıqasy, Warface jáne basqa da saıstarda baq synap jatyr.

Qazaqstannyń xgod komandasy Counter-Strike 2 jáne lazerlik teg boıynsha jeńimpaz atandy.

Bizdiń oıynshylar buǵan deıin Counter-Strike boıynsha túrli jarystarda jeńiske jetken. Bul jetistik kezdeısoq emes, bolashaqta jańa jeńisterge úmittenemiz, — dedi Kıbersport federaııasynyń sport dırektory Dastan Kárim.

Eske sala ketsek, 21 aqpanda Qazanda ótken oıyndardyń ashylýy rásimi aıasynda Qazaqstan prezıdenti Qasym-Jomart Toqaev Reseı prezıdenti Vladımır Pýtınge elimizde osyndaı jarys ótkizýdi usynǵan bolatyn.

Dastan KENJALIN,

ASTANA