كوركەم گيمناستشى ايبوتا ەرتايقىزى ەكى مەدال جەڭىپ الدى

بۇگىن ەستونيانىڭ تارتۋ قالاسىندا كوركەم گيمناستيكادان ءداستۇرلى «ميسس ۆالەنتاين» گران-ءپريى اياقتالدى، دەپ حابارلادى تۋريزم جانە سپورت مينيسترلىگىءنىڭ سپورتتى دامىتۋ ديرەكتسياسى.

بيىل 30 مەملەكەتتەن تاڭداۋلى 33 سپورتشى قاتىسقان جارىستا وتانداسىمىز ايبوتا ەرتايقىزى ەكى مەدال جەڭىپ الدى. ۇلتتىق قۇراما وكىلى دوپپەن ونەر كورسەتۋدە كۇمىس جۇلدەگەر اتانسا (32.700 بالل)، شىعىرشىق جاتتىعۋىندا قولاعا (32.550 ۇپاي) يە بولدى.

سونداي-اق ايبوتا ەرتايقىزى ۇرشىق جانە لەنتامەن ونەر كورسەتۋدە فينالعا شىعىپ، جۇلدەگە ءبىر تابان جەتپەي، ءتورتىنشى ورىنعا يە بولدى.

«ميسس ۆالەنتاين» ءتۋرنيرى 1995 جىلدان بەرى تۇراقتى بولىپ جاتىر. 2020 جىلدان باستاپ جارىس كوركەم گيمناستيكادان حالىقارالىق گران-پري سەرياسىنا قوسىلعان.