جاقسىلىق ۇشكەمپىروۆ تۋرنيرىنە 234 بالۋان جينالدى  

استاناداعى جەكپە-جەك سارايىندا گرەك-ريم كۇرەسىنەن 20 جاسقا دەيىنگىلەر اراسىندا قازاقتىڭ اڭىز سپورتشىسى جاقسىلىق ۇشكەمپىروۆتى ەسكە الۋعا ارنالعان حالىقارالىق ءتۋرنيردىڭ جالاۋى كوتەرىلدى.

كەشە ونىڭ العاشقى جەڭىمپازدارى بەلگىلى بولدى.

بقل تۋرنير بيىل ءتورتىنشى رەت ۇيىمداستىرىلىپ جاتىر. وعان قازاقستاننان بولەك، وزبەكستان، قىرعىزستان، ازەربايجان، تاجىكستان، رەسەي جانە العاش رەت بەلگيا، حورۆاتيا، ۋكراينا، ساۋد ارابياسى مەملەكەتتەرى ءوز بالۋاندارىن الىپ كەلدى. بۇل ەلدەردىڭ سانى بويىنشا وزىندىك رەكورد سانالادى.

10 سالماق بويىنشا جۇلدە جيىنتىعى ساراپقا سالىنىپ جاتقان جارىستا 234 بوز كىلەم شەبەرلەرى باس قوستى.

55 كگ

1.الىبەك اميروۆ (بەيتاراپ ەل)

2.ايبەك ايتبەكوۆ (قازاقستان)

3.ارسەن جۇما (قازاقستان)

حۋسەين ساۆادوۆ (ازەربايجان)

63 كگ

1.ەرزۋ زاكريەۆ (بەيتاراپ ەل)

2.دامير يبراشوۆ (قازاقستان)

3.ماحامماد شۋكۋرزادە (ازەربايجان)

دانيال مولدابەك (قازاقستان)

72 كگ

1.رۋسلان نۋرۋللاەۆ (ازەربايجان)

2.تايىر امانگەلدى (قازاقستان)

3.ىرىسكەلدى  حامزاەۆ (قىرعىزستان)

اقجان ىقىلاسوۆ (قازاقستان)

82 كگ

1.ەراسىل جەڭىس (قازاقستان)

2.يسمايل رزاەۆ (ازەربايجان)

3.رامازان پاشاەۆ (ۋكراينا)

جانبولات بەكەن (قازاقستان)

ەراسىل جەڭىستىڭ ايتۋىنشا، كوماندا حالىقارالىق دوداعا «الماتاۋ» سپورت بازاسىندا 2 اپتا ارنايى دايىندالدى. ءار جەڭىس وڭايشىلىقپەن كەلمەدى. اسىرەسە، ازەربايجان بالۋانى ءوز ەلىندە مىقتى سپورتشىلاردىڭ قاتارىنا كىرەدى.

2:7 ەسەبىمەن ۇتىلىپ جاتسام دا، مويىمادىم. ونى ابدەن شارشاتىپ، سوڭىندا ويلاعان بارلىق ايلا تاسىلدەرىم جۇزەگە استى، — دەدى ول.

97 كگ

1.ەگور ياكۋشەنكو (ۋكراينا)

2.اميرحون بەردىقۇلوۆ (وزبەكستان)

3.ماكسيم اۆەرين (بەيتاراپ ەل)

باھرام قۇربانوۆ (قىرعىزستان)

كەزىندە جاقسىلىق ۇشكەمپىروۆتىڭ كومەكشىسى بولعان سامات بايمۇحانوۆتىڭ ايتۋىنشا، 2017 جىلدان بەرى تۋرنير حالىقارالىق تۋرنير دارەجەسىنە كوتەرىلىپ، جىلدىڭ كۇنتىزبەسىنە ەنگىزىلدى.

بيىل پاريج وليمپياداسى وتەتىندىكتەن، وسى جارىس ەرتە ۇيىمداستىرىلىپ وتىر. بىراق ءبىر ارتىقشىلىعى — ءبىرشاما ەلدەر وليمپياداعا دايىندىق ماقساتىندا ارنايى تۇردە كەلىپ، جارىس كوركىن قىزدىرىپ جاتىر.

كۇرەس تۇرلەرىنەن الەم چەمپيوناتى، ازيا چەمپيوناتىن قابىلداعان «جەكپە-جەك» سارايى ۋاقىت وتكەن سايىن دەڭگەيى جوعارلاپ بارادى. UWW-دان كەلگەن دەلەگات تا الداعى ۋاقىتتا وسى جەردە الەم چەمپيوناتىن وتكىزۋ تۋرالى يدەياسىن بارىن جاسىرمادى.

باسقا دا مەملەكەتتەر جوعارى سىياقى، ۋاقىتتىڭ قولايلىعىنا بايلانىستى كەلەر جىلى قاتىسۋعا قىزىعۋشىلىقتارىن ءبىلدىرىپ جاتىر، — دەدى سامات بايمۇحانوۆ.

جارىس جەڭىمپازدارى اقشالاي سىياقى (1-ورىن — 1،5 ملن تەڭگە، 2-ورىن — 1 ملن تەڭگە، 3-ورىن — 500 مىڭ تەڭگە، چەمپيوننىڭ باپكەرى — 100 مىڭ تەڭگە) جانە مەدالدارمەن ماراپاتتالدى.

بۇگىن تاعى بەس سالماقتا جۇلدەگەرلەر بەلگىلى بولادى.

 

قانات بايۇزاقوۆ،

استانا