Jaqsylyq Úshkempirov týrnırine 234 balýan jınaldy  

Astanadaǵy Jekpe-jek saraıynda grek-rım kúresinen 20 jasqa deıingiler arasynda qazaqtyń ańyz sportshysy Jaqsylyq Úshkempirovty eske alýǵa arnalǵan halyqaralyq týrnırdiń jalaýy kóterildi.

Keshe onyń alǵashqy jeńimpazdary belgili boldy.

Bql týrnır bıyl tórtinshi ret uıymdastyrylyp jatyr. Oǵan Qazaqstannan bólek, О́zbekstan, Qyrǵyzstan, Ázerbaıjan, Tájikstan, Reseı jáne alǵash ret Belgııa, Horvatııa, Ýkraına, Saýd Arabııasy memleketteri óz balýandaryn alyp keldi. Bul elderdiń sany boıynsha ózindik rekord sanalady.

10 salmaq boıynsha júlde jıyntyǵy sarapqa salynyp jatqan jarysta 234 boz kilem sheberleri bas qosty.

55 kg

1.Álibek Amırov (beıtarap el)

2.Aıbek Aıtbekov (Qazaqstan)

3.Arsen Juma (Qazaqstan)

Hýseın Savadov (Ázerbaıjan)

63 kg

1.Erzý Zakrıev (beıtarap el)

2.Damır Ibrashov (Qazaqstan)

3.Mahammad Shýkýrzade (Ázerbaıjan)

Danıal Moldabek (Qazaqstan)

72 kg

1.Rýslan Nýrýllaev (Ázerbaıjan)

2.Taıyr Amangeldi (Qazaqstan)

3.Yryskeldi  Hamzaev (Qyrǵyzstan)

Aqjan Yqylasov (Qazaqstan)

82 kg

1.Erasyl Jeńis (Qazaqstan)

2.Ismaıl Rzaev (Ázerbaıjan)

3.Ramazan Pashaev (Ýkraına)

Janbolat Beken (Qazaqstan)

Erasyl Jeńistiń aıtýynsha, komanda halyqaralyq dodaǵa «Almataý» sport bazasynda 2 apta arnaıy daıyndaldy. Ár jeńis ońaıshylyqpen kelmedi. Ásirese, Ázerbaıjan balýany óz elinde myqty sportshylardyń qataryna kiredi.

2:7 esebimen utylyp jatsam da, moıymadym. Ony ábden sharshatyp, sońynda oılaǵan barlyq aıla tásilderim júzege asty, — dedi ol.

97 kg

1.Egor Iakýshenko (Ýkraına)

2.Amırhon Berdiqulov (О́zbekstan)

3.Maksım Averın (beıtarap el)

Bahram Qurbanov (Qyrǵyzstan)

Kezinde Jaqsylyq Úshkempirovtyń kómekshisi bolǵan Samat Baımuhanovtyń aıtýynsha, 2017 jyldan beri týrnır halyqaralyq týrnır dárejesine kóterilip, jyldyń kúntizbesine engizildi.

Bıyl Parıj Olımpıadasy ótetindikten, osy jarys erte uıymdastyrylyp otyr. Biraq bir artyqshylyǵy — birshama elder Olımpıadaǵa daıyndyq maqsatynda arnaıy túrde kelip, jarys kórkin qyzdyryp jatyr.

Kúres túrlerinen álem chempıonaty, Azııa chempıonatyn qabyldaǵan «Jekpe-jek» saraıy ýaqyt ótken saıyn deńgeıi joǵarlap barady. UWW-dan kelgen delegat ta aldaǵy ýaqytta osy jerde álem chempıonatyn ótkizý týraly ıdeıasyn baryn jasyrmady.

Basqa da memleketter joǵary syıaqy, ýaqyttyń qolaılyǵyna baılanysty keler jyly qatysýǵa qyzyǵýshylyqtaryn bildirip jatyr, — dedi Samat Baımuhanov.

Jarys jeńimpazdary aqshalaı syıaqy (1-oryn — 1,5 mln teńge, 2-oryn — 1 mln teńge, 3-oryn — 500 myń teńge, chempıonnyń bapkeri — 100 myń teńge) jáne medaldarmen marapattaldy.

Búgin taǵy bes salmaqta júldegerler belgili bolady.

 

Qanat BAIUZAQOV,

ASTANA