SportPress.kz قازاقستان سپورت جاڭالىقتارى
كۇرەس تۇرلەرىنەن قىرعىزستاننىڭ استاناسى — بىشكەكتە ءوتىپ جاتقان ازيا چەمپيوناتىندا ايەلدەر اراسىندا بارلىق سالماقتاعى ۇزدىكتەر انىقتالدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.
كەشە سپورتشىلار قالعان بەس سالماقتا سىنعا ءتۇستى. ۇلتتىق قۇرامانىڭ سپورتشىلارى سونىڭ ەكەۋىندە جۇلدەنى جەڭىپ الدى.
اناستاسيا پاناسوۆيچ 72 كگ دەيىنگى سالماقتا قولا مەدال ءۇشىن كۇرەستە وزبەكستاندىق وزودا زاريپبوەۆانى تازا جەڭدى. سونىمەن قاتار لاۋرا الماعانبەتوۆا ءۇشىنشى ورىن ءۇشىن بەلدەسۋدە (57 كگ) قىرعىزستاندىق سەزىم جۇمانازاروۆادان ايلاسىن اسىردى.
وسىلايشا، قازاقستان ايەلدەر قۇراماسى ازيا چەمپيوناتىن ءتورت قولا مەدالمەن اياقتادى. كەشە ديانا كايۋموۆا (59 كگ) مەن ەلميرا سىزدىقوۆا (76 كگ) قولا جۇلدە العان بولاتىن.
