قازاقستان گيمناسشىلارى الەم كۋبوگىنىڭ فينالىنا شىقتى

سپورتتىق گيمناستيكادان كاتاردىڭ استاناسى – دوحا قالاسىندا الەم كۋبوىگىنىڭ شەشۋشى كەزەڭى باستالدى.

جارىستىڭ قورىتىندىسى بويىنشا پاريج وليمپياداسىنا جولداما العان سپورتشىلار بەلگىلى بولادى. ازىرشە ات سناريادىنداعى جاتتىعۋ سايىسىندا ناريمان قۇربانوۆ ىرىكتەۋدەن ەكىنشى ورىن الىپ، فينالعا شىقتى. ول 15.033 ۇپاي جينادى. بۇل ۇپاي وعان وليمپياداعا جولداما الۋعا مۇمكىندىك بەرىپ وتىر.

وليمپياداعا ليتسەنزيانى 1-2 ورىن يەلەنگەن سپورتشىلار الادى.

ميلاد كاريمي مەن دميتري پاتانين دا ەركىن جاتتىعۋدان فينالعا شىقتى. كاريمي ىرىكتەۋدى ءبىرىنشى، پاتانين ءۇشىنشى ورىنمەن اياقتادى.

ايەلدەر اراسىندا ايدا باۋىرجانوۆا دا كوزگە ءتۇستى. ول قول تىرەپ سەكىرۋدەن فينالعا جولداما العان سەگىز سپورتشىنىڭ قاتارىنا ەندى.

الەم كۋبوگى كەزەڭىندە ناريمان كۋربانوۆتىڭ وليمپياداعا جولداما الۋ مۇمكىندىگى مول. وعان تورتجىلدىق دوداسىنا بارۋ ءۇشىن كاتار تورىندە ۇزدىك ۇشتىكتەن كورىنۋ كەرەك. ونىڭ جولداما جولىنداعى باستى قارسىلاسى — تايپەيلىك لي چي كاي.  ال ميلاد كاريمي ليتسەنزيا ماسەلەسىن بىلتىرعى الەم چەمپيوناتىندا شەشىپ قويعان بولاتىن.

دوحاداعى الەم كۋبوگى كەزەڭىندە ەرلەردەن 12، ايەلدەردەن 8 سپورتشى پاريج وليمپياداسىنا جولداما الادى.

تاعى ءبىر وتانداسىمىز دياس تويشىبەك ءوز قاتەلىگىنەن فينالعا شىعا المادى.

فينالدىق سايىستار 19 ساۋىرگە جوسپارلانعان.

داستان كەنجالين،

استانا