Qazaqstan gımnasshylary Álem kýbogynyń fınalyna shyqty

Sporttyq gımnastıkadan Katardyń astanasy – Doha qalasynda Álem kýboygynyń sheshýshi kezeńi bastaldy.

Jarystyń qorytyndysy boıynsha Parıj Olımpıadasyna joldama alǵan sportshylar belgili bolady. Ázirshe at snarıadyndaǵy jattyǵý saıysynda Narıman Qurbanov irikteýden ekinshi oryn alyp, fınalǵa shyqty. Ol 15.033 upaı jınady. Bul upaı oǵan Olımpıadaǵa joldama alýǵa múmkindik berip otyr.

Olımpıadaǵa lıenzııany 1-2 oryn ıelengen sportshylar alady.

Mılad Karımı men Dmıtrıı Patanın da erkin jattyǵýdan fınalǵa shyqty. Karımı irikteýdi birinshi, Patanın úshinshi orynmen aıaqtady.

Áıelder arasynda Aıda Baýyrjanova da kózge tústi. Ol qol tirep sekirýden fınalǵa joldama alǵan segiz sportshynyń qataryna endi.

Álem kýbogy kezeńinde Narıman Kýrbanovtyń Olımpıadaǵa joldama alý múmkindigi mol. Oǵan tórtjyldyq dodasyna barý úshin Katar tórinde úzdik úshtikten kóriný kerek. Onyń joldama jolyndaǵy basty qarsylasy — taıpeılik Lı Chı Kaı.  Al Mılad Karımı lıenzııa máselesin byltyrǵy álem chempıonatynda sheship qoıǵan bolatyn.

Dohadaǵy álem kýbogy kezeńinde erlerden 12, áıelderden 8 sportshy Parıj Olımpıadasyna joldama alady.

Taǵy bir otandasymyz Dıas Toıshybek óz qateliginen fınalǵa shyǵa almady.

Fınaldyq saıystar 19 sáýirge josparlanǵan.

Dastan KENJALIN,

ASTANA